Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Bagi a Manarawidwid Dagiti Saksi ni Jehova?

Ania ti Bagi a Manarawidwid Dagiti Saksi ni Jehova?

Ti Bagi a Manarawidwid ket maysa a bassit a grupo a buklen dagiti nataengan iti naespirituan a Kristiano a mangiwanwanwan kadagiti Saksi ni Jehova iti intero a lubong. Adda dua a paset ti trabahoda:

Tultuladen ti Bagi a Manarawidwid ti inaramid “dagiti apostol ken lallakay idiay Jerusalem” idi umuna a siglo, a nangaramidda kadagiti napapateg a desision para iti intero a kongregasion Kristiano. (Aramid 15:2) Kas kadagidiay a matalek a lallaki, dagiti miembro ti Bagi a Manarawidwid ket saan a lider ti organisasionmi. Agpapaiwanwanda iti Biblia ken bigbigenda a ni Jehova a Dios ti nangdutok ken Jesu-Kristo kas Ulo ti kongregasion.—1 Corinto 11:3; Efeso 5:23.

Siasino dagiti miembro ti Bagi a Manarawidwid?

Idi Marso 2016, dagiti miembro ti Bagi a Manarawidwid ket da Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, ken David Splane. Agserserbida iti sangalubongan a hedkuartermi idiay Warwick, New York, U.S.A.

Kasano a maor-organisar ti Bagi a Manarawidwid?

Nangbukel ti Bagi a Manarawidwid iti innem a komite a mangiwanwan iti nagduduma a paset ti trabahomi. Agserserbi ti tunggal miembro iti maysa wenno ad-adu pay kadagitoy a komite.

  • Coordinators’ Committee: Mangas-asikaso kadagiti legal a bambanag ken agresponde no adda didigra, no maidadanes dagiti kapammatianmi gapu iti narelihiosuan a patpatien, ken dadduma pay nga emerhensia a mangapektar kadagiti Saksi ni Jehova.

  • Personnel Committee: Mangas-asikaso kadagiti urnos para kadagiti miembro ti pamilia ti Bethel.

  • Publishing Committee: Mangimatmaton iti pannakayimprenta ken pannakaipatulod dagiti literatura a naibatay iti Biblia ken ti panagibangon kadagiti pasdek a pagtataripnongan, translation office, ken pasilidad ti sangay.

  • Service Committee: Mangiwanwanwan iti trabahomi a panangikasaba iti “naimbag a damag ti pagarian.”—Mateo 24:14.

  • Teaching Committee: Mangimatmaton iti pannakaisagana dagiti naespirituan nga instruksion a maipaay babaen kadagiti panagtataripnong wenno panaggigimong, eskuelaan, kasta met dagiti audio ken video a programa.

  • Writing Committee: Mangimatmaton iti pannakaisagana dagiti naespirituan nga instruksion a maipapaay babaen iti nayimprenta a publikasion ken iti website-mi ken mangiwanwanwan iti trabaho a panagipatarus.

Malaksid iti panangasikaso iti trabaho kadagitoy a komite, linawas nga agmiting ti Bagi a Manarawidwid tapno pagsaritaan dagiti kasapulan ti organisasion. Kadagitoy a miting, pagsasaritaan dagiti miembro no ania ti kuna ti Kasuratan, ken agpaiwanwanda iti nasantuan nga espiritu ti Dios, nga ikagumaanda ti mangaramid kadagiti nagkaykaysa a desision.—Aramid 15:25.

Siasino dagiti katulongan ti Bagi a Manarawidwid?

Dagitoy ket mapagtalkan a Kristiano a tumultulong kadagiti komite ti Bagi a Manarawidwid. (1 Corinto 4:2) Addaan dagitoy iti abilidad ken kapadasan iti trabaho nga as-asikasuen ti komite a nakaitudinganda, ken tabtabunuanda ti linawas a miting dayta. Nupay saanda a makiraman iti panagdesision, mangipapaay dagitoy a katulongan kadagiti napapateg a singasing ken impormasion, mangipatungpal iti desision ti komite, ken mangmonitor kadagiti resulta ken nagrang-ayan dagita a desision. Mabalin nga ibaon met ida ti Bagi a Manarawidwid a bumisita kadagiti kakabsatmi iti nagduduma a paset ti daga wenno agpaset kadagiti taripnong a kas kadagiti tinawen a miting wenno panagturpos ti Gilead.

LISTAAN DAGITI KATULONGAN

Komite

Nagan

Coordinators’

  • Ekrann, John

  • Wallen, Robert

 

Personnel

  • Grizzle, Gerald

  • LaFranca, Patrick

  • Molchan, Daniel

  • Walls, Ralph

 

Publishing

  • Adams, Don

  • Butler, Robert

  • Corkern, Harold

  • Gordon, Donald

  • Luccioni, Robert

  • Reinmueller, Alex

  • Sinclair, David

 

Service

  • Breaux, Gary

  • Dellinger, Joel

  • Hyatt, Seth

  • Mavor, Christopher

  • Perla, Baltasar, Jr.

  • Turner, William, Jr.

  • Wallen, Robert

  • Weaver, Leon, Jr.

 

Teaching

  • Curzan, Ronald

  • Flodin, Kenneth

  • Malenfant, William

  • Noumair, Mark

  • Schafer, David

 

Writing

  • Ciranko, Robert

  • Mantz, James

  • Marais, Izak

  • Smalley, Gene

 

Ammuem ti Ad-adu Pay

Apay nga Adda Organisasion ti Dios?

Ibaga ti Biblia no apay ken kasano a naorganisar dagiti pudno a Kristiano.

Ania ti Akem ti Bagi a Manarawidwid Dagiti Saksi ni Jehova Ita?

Idi umuna a siglo, ti bassit a grupo dagiti lallakay ken apostol ti nagserbi kas bagi a manarawidwid iti kongregasion Kristiano. Komusta met ngay ita?

Masuelsuelduan Kadi Dagiti Lider Dagiti Saksi ni Jehova?

Adda kadi tao a lidermi? Siasino dagiti agserserbi kas ordinado a ministro?