Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Ania ti Panagadal iti Biblia?

Ania ti Panagadal iti Biblia?

Agituktukon dagiti Saksi ni Jehova iti programa a panagadal iti Biblia a mangsungbat iti adu a saludsod, a pakairamanan ti:

  • Siasino ti Dios?

  • Talaga kadi a maseknan ti Dios kaniak?

  • Kasanok a pasayaaten ti relasionmi nga agassawa?

  • Kasanoak nga agbalin a naragsak?

Makitam iti baba ti sungbat dagiti masansan a mayimtuod a saludsod maipapan iti programa a panagadal iti Biblia.

Kasano a maaramid ti panagadal? Mangusigkami kadagiti topiko a kas iti “Dios” wenno “panagasawa” sa kitaenmi dagiti nagduduma a teksto iti Biblia nga adda pakainaiganna iti dayta. Pagdidiligenmi dagita a teksto tapno maammuanmi no ania ti kuna ti Biblia maipapan iti dayta, iti kasta, ti Biblia a mismo ti mangilawlawag iti linaonna.

Tapno nalaklaka nga adalen ti Biblia, us-usarenmi ti libro nga Ania a Talaga ti Isursuro ti Biblia? Ilawlawag daytoy a libro no ania a talaga ti kuna ti Biblia maipapan kadagiti topiko a kas iti Dios, Jesus, ken ti masakbayantayo.

Adda kadi bayad ti panagadal iti Biblia? Libre ti panagadal, ken awan bayadna ti material a mausar iti panagadal.

Kasano kabayag ti tunggal panagadal? Adu a tattao ti mangus-usar iti maysa nga oras wenno napapaut pay a makipagadal kadakami iti Biblia iti kada lawas. Ngem depende dayta iti kasasaad. Ibagaymi dayta iti eskediulmo.

Ania ti mapasamak no agkiddawak iti panagadal iti Biblia? No agkiddawka iti panagadal iti Biblia, adda Saksi ni Jehova nga umay sumarungkar kenka iti lugar ken oras a kombeniente kenka. Idemostrana iti sumagmamano a minuto no kasano ti agadal. No magustuam, mabalin nga itultuloyyo ti agadal.

No makipagadalak iti Biblia, masapul kadi nga agbalinak a maysa kadagiti Saksi ni Jehova? Saan. Pagragsakan dagiti Saksi ni Jehova nga isuro kadagiti tattao ti maipapan iti Biblia, ngem pulos a saanmi a piliten ti siasinoman nga agbalin a miembro ti relihionmi. Imbes ketdi, siraraem nga ilawlawagmi no ania ti kuna ti Biblia ket bigbigenmi nga adda kalintegan ti tunggal maysa nga agpili no ania ti patienna.—1 Pedro 3:15.

 

Ammuem ti Ad-adu Pay

Apay nga Adalem ti Biblia?

Mangipapaay ti Biblia kadagiti sungbat ti agkakapateg a saludsod ti minilion a tattao iti intero a lubong. Kayatmo kadi met ti matulongan?

Kasano ti Panagadal iti Biblia?

Iti intero a lubong, pagaammo dagiti Saksi ni Jehova a mangituktukon iti libre a panagadal iti Biblia. Buyaem no kasano a maar-aramid dayta.

Agkiddaw iti Panagadal iti Biblia

Libre nga adalem ti Biblia iti oras ken lugar a kombeniente kenka.