Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Dagiti Saksi ni Jehova, Napadayawan Gapu iti Panangtulongda Kadagiti Balud

Dagiti Saksi ni Jehova, Napadayawan Gapu iti Panangtulongda Kadagiti Balud

Siam a Saksi ni Jehova idiay Australia ti napadayawan kadagiti sertipiko kas panangapresiar iti panangipaayda iti “nagsayaat a serbisio” kadagiti balud iti maysa kadagiti kadakkelan nga immigration detention center iti Australia. Ti pammadayaw kadagiti Saksi ket impaay ti Curtin Immigration Detention Centre iti asideg ti Derby, Western Australia. *

Kada lawas, dagiti balud ket sarsarungkaran dagiti Saksi tapno denggenda dagiti kapadasan dagiti nasao a balud ken ipakaammoda kadakuada ti makaliwliwa ken mangted-namnama a mensahe ti Biblia. “Dagus a makita ti epekto ti isasarungkar dagiti Saksi kadagiti balud,” kinuna ni Christopher Riddoch, ti liaison officer iti tay-ak ti relihion ken kultura iti nadakamat a center. Sigun kenkuana, simmayaat ti karirikna dagiti balud ken naragragsakda kalpasan ti isasarungkar dagiti tattao a bigbigenna “nga interesado unay a sumayaat ti kasasaad dagiti balud.”

Imbaga pay ni Mr. Riddoch a ti sertipiko a naited kadagiti Saksi ket simple la pamay-an ti panagyaman gapu iti nasaona a “panangpasayaatda iti biag dagiti balud nga adda iti aywanmi.” Kinunana a dagiti Saksi ket “pakaidayawan dagiti pamiliada, kongregasion, ken karelihionanda.”

^ par. 2 Ti pasilidad ket makalaon iti aginggat’ 1,500 a tattao.

Ammuem ti Ad-adu Pay

Ania a Kita ti Tattao Dagiti Saksi ni Jehova?

Mano ti am-ammom a Saksi ni Jehova? Ania a talaga ti ammom maipapan kadakami?

Diak Magustuan ti Biagko—Makatulong Kadi ti Relihion, ti Dios, Wenno ti Biblia?

Ammuem no kasano a ti pannakaammo iti Dios pasayaatenna ti biagmo itan ken iti masanguanan.