Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Natulongan Dagiti Agtutubo a Mangsango Kadagiti Bully iti Eskuelaanda

Natulongan Dagiti Agtutubo a Mangsango Kadagiti Bully iti Eskuelaanda

Itay nabiit, ni Hugo, nga agtawen iti sangapulo, ket nakaawat iti Diana Award manipud iti British charity gapu iti panangtulongna kadagiti estudiante iti eskuelaanna a mangsango iti panang-bully.

Kinuna ni Hugo: “Nagun-odko daytoy a pammadayaw gapu iti whiteboard a video a Maparmekmo ti Bully Uray Dika Lumaban. Nagbalinak a nasayaat a pannakabagi kontra ti panang-bully gapu iti naadalko manipud iti dayta a video iti jw.org.”

“Inaldaw a mapaspasamak ti panang-bully kadagiti ubbing iti intero a lubong . . . , ngem . . . adda mabalinyo nga aramiden iti dayta.” (Naala manipud iti Maparmekmo ti Bully Uray Dika Lumaban)

Immuna nga impabuya ni Hugo ti animation a Maparmekmo ti Bully kadagiti mannursurona. Nagustuanda ti nabuyada isu nga inyurnosda a maluktan ti amin nga estudiante ti website a jw.org. Adu kadagiti ubbing nga agtawen iti walo agingga iti sangapulo iti eskuelaan ni Hugo ti kanayonen a mangluklukat iti jw.org. Kunada a nakatulong daytoy kadakuada a mangsango kadagiti problema a kas iti panang-bully ken nasungbatan met dagiti saludsodda a kas iti, Kasanoak a maaddaan ti pudpudno a gagayyem?

Nakatulong Kadagiti Agtutubo Dagiti Nasayaat nga Estratehia

Iti sabali pay nga eskuelaan iti Britain, mabul-bully ti walo ti tawenna a ni Elijah. Inusigda a sangapamiliaan ti video a Maparmekmo ti Bully. Inensayoda no ania ti ibaga ken aramidenna no ma-bully. Daytoy ti nangipaay iti kompiansa ken Elijah tapno mapagballigianna dayta a problema. Idi agangay, bayat ti anti-bullying week, impabuya ti head teacher ni Elijah ti video iti intero nga eskuelaan.

Siempre, saan laeng nga idiay Britain ti pakapaspasamakan ti panang-bully no di ket iti intero a lubong. Ngem gapu iti daytoy a whiteboard a video, matultulongan dagiti agtutubo iti sadinoman.

Iti United States, kabuteng ti sangapulo ti tawenna a ni Ivie ti maysa a kaklasena a nang-bully kenkuana. Idi nabuyana ti video a Maparmekmo ti Bully, naaddaan iti tured ni Ivie a mangsango iti kaklasena. Nakisarita met iti mannursurona, a timmulong iti dayta a situasion. Nagpadispensar ti kaklasena ket mayat ti panaglangenda itan.

Maseknan dagiti Saksi ni Jehova iti pagimbagan dagiti agtutubo. Itultuloymi ti agipablaak kadagiti praktikal a balakad a makatulong kadakuada a mangsango kadagiti inaldaw a problema a kas iti panang-bully.

Ammuem ti Ad-adu Pay

Kasano a Mapagballigiak Dagiti Pakarigatak iti Eskuelaan?

Adu ti pagtaudan ti stress iti eskuelaan. Ammuem ti lima nga addang a mangkissay iti stress.

Isardengko Kadin ti Ageskuela?

Rumbeng kadi nga agsardengka nga ageskuela? Ania dagiti rumbeng nga ikabilangam?

Ania ti Aramidem no Adda Mang-bully Kenka?

Awan gaway ti dadduma a mabul-bully. Ilawlawag daytoy nga artikulo ti mabalin nga aramiden tapno sumayaat ti situasion.