Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Sangalubongan a Panagimprenta—Tumultulong iti Tattao a Makasursuro Maipapan iti Dios

Sangalubongan a Panagimprenta—Tumultulong iti Tattao a Makasursuro Maipapan iti Dios

Iti intero a lubong, basbasaen dagiti tattao dagiti publikasion dagiti Saksi ni Jehova. Minilion ti agbasbasa iti daytoy a literatura iti electronic form, kas ti ar-aramidem ita. Ngem mabalin a masdaawka iti kasaknap ti panagimprentami. Idi 2013, ipabpablaakmin dagiti naibasar-Biblia a literatura iti agarup 700 a lengguahe ken iwarwarasmin dayta iti 239 a dagdaga.

Sakbay ti 1920, ipapaimprentami idi ti amin a publikasionmi kadagiti kompania a pagimprentaan. Idi 1920, rinugianmin nga iyimprenta ti dadduma a magasin ken bokleta iti bassit a naabangan a pasilidad iti Brooklyn, New York. Manipud kadagidi a nanumo a nangrugian, agim-imprentakami itan iti 15 a pasilidad a pagimprentaan a masarakan iti Africa, Asia, Australia, Europe, North America, ken South America.

Ti Kapatgan a Libromi

Siempre ti Biblia ti kapatgan a libro nga iyim-imprentami. Idi 1942, ti kaunaan a kompleto a Biblia ket naimaldit kadagiti pagimprentaanmi; dayta ti Ingles a King James Version. Sipud idi 1961, naipatarus ken naipablaaken dagiti Saksi ni Jehova ti kompleto a New World Translation of the Holy Scriptures iti maysa a tomo. Idi 2013, nakapataudkamin iti nasurok a 184 a milion a kopia dayta a Biblia iti 121 a lengguahe.

Dagita a bilang dida maibaga ti intero nga estoria. Nakalaglagda dagiti Biblia a patpataudenmi. Dagiti panidda ket nayimprenta iti papel nga awanan iti acid a pakaigapuan ti panagbalinda a duyaw, ken nadait a naimbag dagita a panid. Ti resultana? Biblia a nakalaglagda uray no inaldaw a mausar.

Dadduma Pay a Publikasion

Agim-imprentakami met kadagiti publikasion a makatulong kadagiti tattao a mangtarus iti Biblia. Kitaem ti dadduma a bilang manipud idi 2013:

  • Ti Pagwanawanan a kangrunaan a magasinmi ket mayim-imprenta iti nasurok a 210 a lengguahe ket dayta ti kasaknapan ti pannakaiwarasna a magasin iti lubong. Ti tunggal 16-panidna a ruar ket mayim-imprenta iti agarup 45,000,000 a kopia.

  • Ti Agriingkayo! a kadua ti magasin a Ti Pagwanawananken sumegunda laeng iti dayta iti sirkulasion—ket mayim-imprenta iti 99 a lengguahe iti agarup 44,000,000.

  • Ti Ania a Talaga ti Isursuro ti Biblia? ket 224-panidna a libro a nalap-it ti akkubna a nairanta a tumulong iti agbasbasa a mangtarus kadagiti kangrunaan a pannursuro ti Biblia. Sipud idi 2005, nasurok a 214 a milion a kopia ti nayimprentan iti nasurok a 240 a lengguahe.

  • Ti Listen to God ket 32-panidna a broshur a nairanta a tumulong kadagiti saan unay a makabasa. Isurona dagiti simple a kinapudno iti Biblia babaen kadagiti napipintas a ladawan ken ababa a kapsion. Nasurok nga 42 a milion a kopia ti napatauden iti nasurok nga 400 a lengguahe.

Malaksid kadagita a publikasion, agim-imprenta dagiti Saksi ni Jehova iti nadumaduma a libro, broshur, ken tracts a makatulong kadagiti agad-adal iti Biblia nga ag-research kadagiti saludsodda maipapan iti Biblia, mangsolbar kadagiti problema iti biag, ken maaddaan iti naragsak a pamilia. Idi 2012, dagiti pagimprentaan a kukua dagiti Saksi ni Jehova ket nakapatauden iti nasurok a 1.3 a bilion a magasin ken 80 a milion a libro ken Biblia.

Idi 2012, dagiti pagimprentaan a kukua dagiti Saksi ni Jehova ket nakapatauden iti nasurok a 1.3 a bilion a magasin ken 80 a milion a libro ken Biblia

Dagiti bisita a mangpasiar kadagiti pagimprentaanmi ket masansan a masdaaw kadagiti makitada a naggagaget nga agpatpataud iti daytoy a literatura. Amin dagita a lallaki ken babbai ket boluntario nga ipapaayda ti panawen ken pigsada. Idi immayda iti Bethel, a “Balay ti Dios” ti kaipapananna, kaaduan kadakuada ket awanan iti kapadasan iti industria ti panagimprenta. Ngem nagsayaat ti resulta ti programa a panang-train a mismo kadakuada sadiay, agraman ti makaay-ayo a kasasaad iti pagtrabahuanda a mangiparparegta iti panagsanay. Kas pagarigan, kadawyan a makitam dagiti agkabannuag a lallaki nga agtawen iti nasurok a 20 a mangpapaandar kadagiti high-speed printing press a makapataud kadagiti 16-panidna a magasin iti kaadu a 200,000 kada oras.

Paggapgapuan ti Kuarta?

Dagiti boluntario a donasion ti mangsupsuportar iti trabaho nga ar-aramiden dagiti Saksi ni Jehova iti intero a lubong. Kuna ti Agosto 1879 a ruar ti Zion’s Watch Tower, a maawagan itan iti Ti Pagwanawanan: “Patienmi a supsuportaran ni JEHOVA ti ‘Zion’s Watch Tower.’ Gapuna, pulos a saanto a dumawat wenno umararaw iti tulong ti tao.” Mamatikami pay laeng iti dayta.

Apay a nagadu a panawen, kuarta, ken kasta unay a panagregget ti ipapaaymi iti daytoy a trabaho? Ngamin, ti man basaem ket ti maysa kadagiti minilion a Biblia ken libro nga aggapu kadagiti pagimprentaanmi wenno basaem dagitoy a publikasion online, mangnamnamakami a dagita ti makatulong kenka nga agbalin a nasingsinged iti Dios.

Ammuem ti Ad-adu Pay

Ania a Talaga ti Isursuro ti Biblia?

Daytoy a katulongan iti panagadal iti Biblia ket nairanta a tumulong kenka a mangammo iti isursuro ti Biblia maipapan kadagiti nagduduma a topiko, a pakairamanan ti: Apay nga agsagsagabatayo, ania ti mapasamak no mataytayo, kasanotayo a maaddaan iti naragsak a pamilia, ken dadduma pay.

Dagiti Naitampok a Publikasion

Kitaen dagiti kaudian a naikabil ken naitampok a publikasion.