Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Webcast a Naipabuya iti Lubong

Webcast a Naipabuya iti Lubong

Idi Sabado, Oktubre 5, 2013, adda 257,294 iti 21 a dagdaga ti timmabuno iti maika-129 a tinawen a miting ti Watch Tower Bible and Tract Society of Pennsylvania iti man mismo a nakaangayanna wenno babaen iti live webcast. Kabigatanna, adu pay a Saksi ti nagbuya iti replay ti programa. Ti dagup ti amin a timmabuno ket 1,413,676 iti 31 a dagdaga. Dayta a miting ti kadakkelan pay laeng a taripnong dagiti Saksi ni Jehova a nanglab-aw iti 1,327,704 a nagbuya iti espesial a programa a naangay idiay Mexico ken Central America idi Abril 28, 2013.

Sipud pay idi 1920’s, ibrodbrodkasen dagiti Saksi ni Jehova dagiti kombensionda iti nadumaduma a pagilian babaen iti telepono ken nagadu a network ti radio. Ita, gapu iti Internet, nangngeg ken nakita dagiti timmabuno uray dagiti adda kadagiti nasulinek a luglugar dagiti paset ti programa bayat ti aktual a pannakaiparangda wenno di unay nagbayag kalpasanna. Ni William, a maysa kadagiti Saksi ni Jehova iti United States, ket timmabuno iti maysa a kombension iti Richmond, Virginia, idi 1942 ken dimngeg iti programa babaen iti telepono. Indiligna dayta a kapadasanna kadagiti naiparang ita iti tinawen a miting ket kinunana: “Ad-adu nga amang ti masursurom iti programa no makitam dayta. Talaga a naiduma unay.”

Nasurok a makatawen nga insagana dagiti miembro ti sumagmamano a sanga nga opisina dagiti Saksi ni Jehova ti pannakaiset-up ti webcast. Rinibu nga oras a trinabahoda dayta. Iti ngudo ti lawas dayta a webcast, ti programa ket inmonitor dagiti teknisian manipud iti control center idiay Brooklyn, New York. Naka-duty-da iti 24 oras bayat a maipabpabuya dayta iti 15 a lugar a nagduduma ti orasda. Kinuna ni Ryan a timmulong a nangiset-up ken nangmonitor iti webcast, “Adu ti puyatmi, ngem saan a sayang dayta ta ammomi a nagadu ti nabenepisiaran iti programa.”

Panagbuya iti programa idiay Katherine, Northern Territory, Australia