Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Nabara nga Inawat ti Atlanta Dagiti Saksi ni Jehova

Nabara nga Inawat ti Atlanta Dagiti Saksi ni Jehova

“Saluduak dagiti miembro ti organisasionyo gapu iti kinapasnekda nga agserbi iti pagarian ti Dios. Maapresiar unay dagiti donasion ken tulongyo para kadagiti padayo a Saksi ni Jehova ken iti komunidad.”

Kasta ti linaon ti surat ni Kasim Reed, a mayor ti siudad ti Atlanta, Georgia, U.S.A. Mabasa pay iti suratna ti nabara a panangawatna kadagiti Saksi ni Jehova iti tallo a dadakkel a kombension a naangay iti dayta a lugar.

Nangiruar met ti Atlanta City Council iti pakaammo iti publiko maipapan iti nabara a panangawatda kadagiti delegado ti kombension. Kastoy ti nadakamat iti dayta: ‘Dandani walo a milion ti Saksi ni Jehova iti intero a lubong, nagtaudda iti ginasut a tribu ken nagduduma a lengguahe, ngem agkaykaysakayo iti maymaysa a panggep. Kayatyo a padayawan ni Jehova, ti Dios iti Biblia ken ti Namarsua iti amin a bambanag.’

Tallo a kombension ti naangay iti dayta a lugar idi Hulio ken Agosto 2014. English ti dua kadagita ken Spanish ti maysa. Naggapu dagiti delegado iti 28 a pagilian wenno ad-adu pay. Dagiti English a programa ket naigiddan a naipatarus iti Russian ken Japanese tapno mabenepisiaran dagiti delegado nga agsasao kadagita a lengguahe. Agdagup iti 95,689 ti amin a timmabuno iti tallo a kombension.

Bayat ti 2014, nangangay dagiti Saksi ni Jehova iti 24 a dadakkel nga internasional a kombension iti siam a pagilian, a pakairamanan ti 16 a nagduduma a lokasion iti United States.

Ammuem ti Ad-adu Pay

Ania ti Pagarian ti Dios?

Siasino ti Ari ti Pagarian ti Dios, ken anianto ti aramiden ti Pagarian?