Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Dagiti Mangipatpateg iti Wayawaya, Nagtataripnong iti Armada

Dagiti Mangipatpateg iti Wayawaya, Nagtataripnong iti Armada

Manipud Hunio 6 agingga iti 16, 2013, minilion a bisita manipud iti intero a lubong ti nagaaripuno iti puerto ti Rouen, iti amianan a France, para iti Armada—maysa kadagiti kadakkelan ken kapintasan a panagtataripnong dagiti barangay, pribado a yate, barko, ken pakigubat a bapor iti lubong.

Kalpasan a naglayagda iti 120 a kilometro agingga iti agsikkosikko a karayan ti Seine idiay nagpintas a Normandy, dagiti kapipintasan ken kadadakkelan a barko iti lubong ket simmanglad iti igid ti pito a kilometro a takdangna para iti daytoy a naragsak nga okasion. Iti nasurok a 10 nga aldaw, dagiti bisita ket naaddaan iti naisangsangayan nga oportunidad a libre nga aglugan ken mangbisita iti dadduma kadagiti 45 a nalatak ken nagdadakkel a barko nga adda iti dayta a piesta.

Apay a nagadu nga ubbing, agtutubo, ken nataengan ti immay dimmar-ay iti Armada? Sigun iti nangorganisar ken nangyurnos iti pasken, ti Armada ti mangted kadakuada iti oportunidad a “makaasideg kadagita a ‘Higante iti Baybay’ a mangtignay kadatayo nga agarapaap.” Kinapudnona, para iti kaaduan a tattao, no makakitada kadagiti nagdadakkel nga aglaylayag a barko, ti mapanunotda ket maipapan iti wayawaya ken panagdaliasat kadagiti adayo a lugar.

Rinibu a turista ti naaddaan met iti oportunidad a mangammo maipapan iti sabali a kita ti wayawaya nga ituktukon ti kinapudno nga isursuro ti Biblia. (Juan 8:31, 32) Bayat a nagpasiar dagiti bisita iti nagpintas ken kadaanan a Rouen ken kadagiti kalsadana a napno iti tattao, sigurado a nakitada dagiti mayakar-akar a pagidispleyan kadagiti publikasion nga us-usaren dagiti lumugar a Saksi ni Jehova. No adda umasideg kadagita, maawisda a mangala iti aniaman kadagiti nakadispley a naibasar-Biblia a publikasion ta libre dagita. Adu nga aglabas ti naginteres iti artikulo a “Lubong nga Awan Panangidumduma—Kaano?” a naitampok iti magasin a Pagwanawanan ken naawisda a tumabuno iti naibasar-Biblia a palawag iti French, English, wenno Spanish.

Inapresiar dagiti lumugar dayta nga inaramid dagiti Saksi. Kinuna ti maysa a lalaki nga idi damo ket nasdaaw a nakakita kadagiti Saksi nga agtaktakder iti asideg iti mayakar-akar a pagidispleyan: “Maragsakanak a makakita kadakayo. Uray no sabali dagiti prinsipiok iti biag, raraemek dagidiay maitakderanda dagiti patpatienda.” Kinuna ti dua a lallakay a nakisarita kadagiti agtutubo a Saksi a makiramraman iti daytoy a pangpubliko nga aktibidad: “Maipagpannakkelyo ti kinasiasinoyo!”

 

Ammuem ti Ad-adu Pay

Lubong nga Awan Panangidumduma—Kaano?

Ipakita dagiti kapadasan no kasano a tultulongan ti Biblia dagiti tattao a mangikkat it panangidumduma. Kaano a naan-anay a maikkat?