Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Pagpagilian a Nakadanon iti 100,000 a Bilang Dagiti Saksi ni Jehova

Pagpagilian a Nakadanon iti 100,000 a Bilang Dagiti Saksi ni Jehova

Idi 1987, nagsao ni Lyman Swingle, a miembro ti Bagi a Manarawidwid dagiti Saksi ni Jehova, iti sanguanan ti 63,580 a tattao iti estadium ti Plaza Monumental iti Valencia, Venezuela. Adu ti agpatpatnag a nagbiahe babaen ti bus tapno laeng dumngegda kenkuana. Kinuna ni Brother Swingle iti adu a dimngeg: “Saankayon a bassit a sangay. Kalkalaingannan ti kadakkel ti sangayyo. Ket iti panagkunak, addanto aldaw a maysakayto kadagiti addaan iti bilang a ‘100,000 a manangaskasaba’!”

Idi 1987, nasurok laeng a 38,000 ti manangaskasaba—dagiti Saksi ni Jehova nga aktibo a mangiwarwaragawag iti naimbag a damag iti Pagarian—iti Venezuela. Iti dayta a tiempo, walo laeng a pagilian ti addaan iti bilang a nasurok a 100,000 a manangaskasaba.

Nakaskasdaaw ti panagadu dagiti Saksi ni Jehova iti intero a lubong. Kalpasan ti Gubat Sangalubongan I, sumagmamano laeng a ribu dagiti mangipakpakaammo iti publiko ti maipapan iti Pagarian ni Jehova. Ngem nagbaliw dayta. Kuna ti 1943 Yearbook of Jehovah’s Witnesses: “Ti napagtitipon a report iti 1942, nupay saan a kompleto, gapu iti limitado a komunikasion, ket maikuna a nabendisionan . . . , ta iti intero a lubong, addan nasurok a 106,000 a nagreport nga agibumbunannag a nakiraman iti trabaho [panangikasaba iti naimbag a damag].” Uray idi madama ti Gubat Sangalubongan II, adu a tattao ti dimngeg iti kinapudno a linaon ti Biblia. Idi 1950, ti laengen United States, nalab-awanna ti bilang a 100,000 a manangaskasaba.

Ti Nigeria ti simmaganad a pagilian a nakadanon iti 100,000 a bilang dagiti agibumbunannag idi 1974.

Iti simmaganad a tawen, agpada a nalab-awan ti Brazil ken Germany ti bilang dagiti manangaskasaba a 100,000. Ti kasta a panagrang-ay kadagiti uppat a kontinente paneknekanna a ti kinapudno a linaon ti Biblia ket makaallukoy iti amin a kita ti tattao.

Iti intero a lubong, agtultuloy nga umad-adu ti bilang dagidiay umaw-awat iti naimbag a damag. Maitunos daytoy iti naipadto iti Biblia: “Daydiay met laeng bassit agbalinto a sangaribu, ket daydiay nagbassitan maysa a mannakabalin a nasion. Siak, ni Jehova, papardasekto dayta iti bukodna a tiempo.”—Isaias 60:22.

Sigun iti report iti 2014 a tawen serbisio, addan 24 a pagilian a nasurok a 100,000 ti bilang dagiti Saksi. Karaman ti Venezuela kadagiti pagilian a nakadanon iti dayta a bilang idi 2007. Iti intero a lubong, adda 115,416 a kongregasion dagiti Saksi ni Jehova ken 8,201,545 a manangaskasaba.

Pagilian nga addaan iti nasurok a 100,000 a manangaskasaba

Kontinente

Pagilian

Manangaskasaba

Africa

Angola

108,607

Congo, Democratic Republic of

216,024

Ghana

125,443

Nigeria

362,462

Zambia

178,481

Asia

Japan

215,703

Korea, Republic of

100,641

Philippines

196,249

Europe

Britain

138,515

France

127,961

Germany

166,262

Italy

251,650

Poland

123,177

Russia

171,268

Spain

112,493

Ukraine

150,906

North America

Canada

116,312

Mexico

829,523

United States of America

1,243,387

South America

Argentina

150,171

Brazil

794,766

Colombia

166,049

Peru

123,251

Venezuela

140,226

Ammuem ti Ad-adu Pay

Kasano ti Pannakaorganisar ti Trabaho a Panangasaba Dagiti Saksi ni Jehova?

Sursurotenmi ti padron nga impasdek ni Jesus idi adda ditoy daga. Ania ti sumagmamano kadagitoy a pamay-an ti panangasaba?