Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Panagpasiar iti “Bato”

Panagpasiar iti “Bato”

Adda 15 a pagim-imprentaan a sangay dagiti Saksi ni Jehova iti intero a lubong. Maysa kadagita ti sangay iti Central Europe a masarakan iti Selters, Germany, iti lugar a maaw-awagan iti Steinfels, a ti kaipapanan dayta a German a sao ket “Dakkel a Bato.”

Idi Mayo 23-25, 2014, inawis ti sangay ti Central Europe dagiti lumugar, negosiante, ken dagiti lokal nga opisial nga agpasiar iti pasilidad (open house). Napauluan dayta nga okasion iti “30 a Tawen iti Selters” gapu ta ti opisial a pannakainagurar ti pasilidad ti sangay ket idi Abril 21, 1984.

Nasurok a 3,000 a bisita ti nagpasiar kadagiti pasilidad bayat ti open house. “Kanayon nga espesial kaniak ti ibibisita iti sanga nga opisina dagiti Saksi ni Jehova,” kuna ti mayor nga agarup 30 a tawenen nga agserserbi iti lokal a gobierno. Kunana pay: “Masmasdaawak pay laeng ti alisto a pannakaibangon idi ti sanga nga opisina iti Steinfels, manipud 1979 agingga iti 1984.”

Dagiti Naitampok iti Open House

Napauluan ti maysa nga eksibit iti “Ti Ili ni Jehova iti Central Europe.” Nakita dagiti bisita ti agarup 120 a tawen a pakasaritaan dagiti Saksi iti dayta a rehion. Dayta nga eksibit ket permanenten a maidispley iti sanga nga opisina.

Iti sabali pay a paset ti eksibit, naidispley dagiti manmano ken nagpapateg a Biblia. Kas pagarigan, nairaman ti nagkauna nga edision ti kompleto a German Bible idi 1534 ken ti paset ti Elias Hutter’s Polyglot Bible idi 1599, a naglaon iti 12 a lengguahe. Adda met dagiti displey, tsart, ken video a mangitamtampok kadagiti maitulong dagiti prinsipio ti Biblia iti biagtayo.

Adda dua a panagpasiar nga awan ti tour guide. Naammuan dagiti bisita ti maipapan iti inaldaw a rutina dagiti nasurok a 1,000 nga agnanaed ken agtrabtrabaho iti sanga nga opisina. Ti umuna a pagpasiaran ket natemaan “Ti Panagbiagmi.” Nakita dagiti bisita ti dadduma a kuarto dagiti residente. Nanganda met iti dining room ken pinasiarda ti kasla parke nga aglawlaw ti pasilidad. “Talaga a nakapimpintas dagiti makitam,” kuna ti maysa a bisita.

Ti maikadua a pagpasiaran ket natemaan iti “Produksion.” Naitampok iti dayta ti Pressroom, ti Bindery, ken ti Shipping Department. Nakita a mismo dagiti bisita no kasano a mayimprenta, ma-bind, sa maipatulod iti nasurok a 50 a pagilian dagiti literatura a naibasar iti Biblia. Kuna ti maysa a lalaki: “Diak pulos impagarup a sangalubongan nga organisasion gayam dagiti Saksi ni Jehova. Makadanon dagiti publikasionda iti amin a paset ti lubong. Milagro ti pannakaibanag dayta ta awan sueldo dagiti trabahador.”

Nagbalin a pamiliar kadagiti bisita ti jw.org

Ti maysa nga espesial a mapasiar ket ti nakaipuestuan ti jw.org, a mangitamtampok iti opisial a website dagiti Saksi ni Jehova. Agpada a nabuya dagiti ubbing ken natataengan dagiti presentasion ken video, ken nasungbatan ti adu a saludsodda.

Gapu iti baro a naammuan dagiti bisita maipapan iti sangalubongan a trabaho dagiti Saksi ni Jehova, adu ti naragsakan ken nangapresiar iti trabaho kalpasan ti panagpasiarda. Kinuna ti maysa a lalaki: “Nagadu ti saan nga umiso a pagarupko maipapan kadagiti Saksi. Masapul a balbaliwak ti panangmatmatko.” Maulit-ulit nga imbaga ti maysa a babai: “Inikkat daytoy nga aldaw ti panangidumduma.”

^ par. 17 Bilang idi 2014

^ par. 21 Bilang idi 2014

^ par. 24 Bilang idi 2014

Ammuem ti Ad-adu Pay

Ania ti Bethel?

Ti Bethel ket naisangsangayan a lugar nga addaan iti nakapatpateg a panggep. Ammuem ti ad-adu pay maipapan kadagiti agserserbi sadiay.

Ania ti Maas-asikaso iti Sanga nga Opisina Dagiti Saksi ni Jehova?

Maawis dagiti bisita nga agpasiar iti aniaman kadagiti sanga nga opisinami. Awisendaka met nga umay agpasiar!