Accessibility setting

Agpili iti lengguahe

Mapan iti segundario a pagpilian

Mapan iti linaonna

Dagiti Saksi ni Jehova

Iloko

Awisendakayo nga Agpasiar Kadagiti Pasilidad ti Bethel iti United States

Awisendakayo nga Agpasiar Kadagiti Pasilidad ti Bethel iti United States

“Nagmayat ti panagpasiarmi idiay Bethel. Diminto pulos malipatan dayta.” Kasta ti kinuna ti agassawa a naggapu idiay Vanuatu kalpasan ti panagpasiarda kadagiti pasilidad dagiti Saksi ni Jehova iti United States. Kasta met laeng ti marikrikna ti adu kadagiti nasurok a 70 a ribu a tattao nga agpaspasiar sadiay iti kada tawen.

Napadasanyo met kadin ti nagpasiar kadagiti pasilidad ti Bethel iti United States? No saan pay, awisendakayo nga agpasiar.

Ania dagiti makitayo iti tallo a kangrunaan a pasilidad?

Sangalubongan a Hedkuarter, Brooklyn, New York. Adda nayurnos a mangipasiar kadakayo isu a maammuanyo ti maipapan kadagiti organisado a panangiwanwan ken panangsuportar iti sangalubongan a trabaho a panangikasaba iti naimbag a damag. Adda met dua nga eksibit a mabalinyo a pasiaren uray awan ti tour guide. Ti maysa a napauluan iti “A People for Jehovah’s Name” ket maipapan iti pakasaritaan dagiti Saksi ni Jehova manipud idi umuna a siglo agingga ita. Ti sabali pay ket ti “The Bible and the Divine Name” a mangitampok iti adu a patarus ti Biblia a naglaon iti naisangsangayan a nagan ti Dios.

Teokratiko nga Edukasion, Patterson, New York. Ammuenyo ti maipapan kadagiti eskuelaan sadiay kas iti Watchtower Bible School of Gilead ken School for Branch Committee Members and Their Wives. Adda met dagiti video ken displey a mangipakita kadagiti trabaho a maar-aramid kadagiti opisina a pakairamanan ti Art, Audio/Video Services, Legal, ken Service departments.

Panagimprenta ken Panangitulod iti Literatura, Wallkill, New York. Makitayo no kasano a mayimprenta, ma-bind, ken maitulod dagiti Biblia ken naibasar-Biblia a literatura kadagiti kongregasion iti United States, isla iti Caribbean, ken dadduma pay a paset ti lubong.

Kasano kabayag ti panagpasiar kadagita a pasilidad?

No adda tour guide, agarup maysa nga oras ti panagpasiar idiay Brooklyn; agarup dua nga oras idiay Patterson; ken agarup maysa ket kagudua nga oras idiay Wallkill.

Siasino dagiti tour guide?

Dagidiay agtrabtrabaho iti nadumaduma a departamento iti Bethel. Ibilangda dayta a paset dagiti panangikagumaanda a mangsuporta iti sangalubongan a trabahomi a panangisuro. Idi Mayo 2014, nasuroken a 5,000 ti agtrabtrabaho iti tallo a pasilidad, ket nasurok a 3,600 kadakuada ti nasanay nga agi-tour. Agarup 40 a lengguahe ti mausar iti panag-tour-da.

Mano ti bayad ti panag-tour?

Libre.

Masapul kadi a maysaka a Saksi ni Jehova tapno makapasiarka sadiay?

Saan. Saan a Saksi ti adu kadagiti agpaspasiar. Agpada a maammuan dagiti Saksi ken saan a Saksi ti maipapan kadagiti organisado a panangikagumaan a mangsuportar iti sangalubongan a trabaho dagiti Saksi ni Jehova.

Adda Muslim a babai a taga-India a nagpasiar idiay Patterson. Kalpasan ti panagpasiarna, kinunana: “Mabalinko la koma ti makiraman iti daytoy a trabaho. Pagyamanan unay iti dakkel a respetoyo kaniak.”

Mabalin kadi nga ag-tour dagiti ubbing?

Wen! Posible a nasayaat ti epekto kadagiti ubbing ti kasta a panagpasiar. Insurat ni John a taga-United States maipapan iti panagpasiarna: “Uray idi nakaawidkamin, pagsasaritaan pay laeng dagiti ubbing iti grupomi ti panag-tour-da. Idi saanda pay a nakapag-tour, dida ammo no ania dagiti trabaho idiay Bethel. Ngem ita, kayatdan ti agbalin a Bethelite.”

Mabalin met kadi ti ag-tour kadagiti pasilidad dagiti Saksi ni Jehova iti dadduma a pagilian?

Wen. Mabalin ti ag-tour kadagiti pasilidadmi iti adu a pagilian. Tapno makitam ti adres dagita a pasilidad, luktam ti Opisina ken Impormasion iti Panagpasiar iti jw.org/ilo. Maragsakankami a mangawis kenka nga agpasiar iti maysa kadagiti sanga nga opisina dagiti Saksi ni Jehova.

Ammuem ti Ad-adu Pay

Ania ti Maas-asikaso iti Sanga nga Opisina Dagiti Saksi ni Jehova?

Maawis dagiti bisita nga agpasiar iti aniaman kadagiti sanga nga opisinami. Awisendaka met nga umay agpasiar!