Mapan iti linaonna

Mapan iti listaan dagiti linaonna

 GAMENG MANIPUD ITI SAO TI DIOS | JUAN 3-4

Kinasabaan ni Jesus ti Samaritana

Kinasabaan ni Jesus ti Samaritana

4:6-26, 39-41

Ania ti inaramid ni Jesus tapno makakasaba iti di pormal?

  • 4:7​—Inrugina ti saritaan babaen ti panagkiddawna iti danum nga inumenna imbes a makisarita maipapan iti Pagarian wenno ibagana nga isu ti Mesias

  • 4:9​—Saanna nga inukom ti Samaritana gapu iti pulina

  • 4:9, 12​—Idi nangibangon ti babai iti kontrobersial nga isyu, intultuloy ni Jesus ti topikoda.​—cf 77 ¶3

  • 4:10​—Inrugina ti saritaan babaen ti maysa nga ilustrasion a mainaig iti inaldaw nga ar-aramiden ti babai

  • 4:16-19​—Nupay immoral ti panagbiag ti babai, impakitaan ni Jesus iti dignidad

Kasano nga ipakita daytoy a salaysay a nagpateg ti panangasaba iti di pormal?