Mapan iti linaonna

Mapan iti listaan dagiti linaonna

 PANAGBIAG KAS KRISTIANO

Kasano Kapateg Kenka ti Sao ti Dios?

Kasano Kapateg Kenka ti Sao ti Dios?

Naglaon ti Biblia iti pampanunot ken sasao ni Jehova a Dios, ti Autor daytoy sagrado a libro. (2Pe 1:20, 21) Ipagpaganetget ti Biblia ti pannakaalangon ti kalintegan ti Dios nga agturay babaen ti Pagarianna, isu nga ipanamnamana iti amin a tao nga asidegen a sumayaat ti panagbiagda. Ipakpakaammo met ti Biblia ti naayat a personalidad ti nailangitan nga Amatayo a ni Jehova.—Sal 86:15.

Ipatpateg ti tunggal maysa kadatayo ti Sao ni Jehova gapu iti agduduma a rason. Ngem ipakpakitatayo kadi nga ipatpategtayo daytoy napateg a regalona babaen ti inaldaw a panangbasatayo ken panangyaplikar iti dayta? Ipakitatayo koma iti aramidtayo a tultuladentayo ti narikna idi ti salmista: “Pagay-ayatko ti lintegmo!”—Sal 119:97.

BUYAEN TI VIDEO NGA IMPATEGDA TI BIBLIA—ABABA A PASET (WILLIAM TYNDALE) SA SUNGBATAN DAGITOY:

  • Apay nga impatarus ni William Tyndale ti dadduma a paset ti Biblia?

  • Apay a naisangsangayan unay ti panagreggetna a mangipatarus iti Biblia?

  • Kasano a naipuslit idiay England dagiti kopia ti Biblia nga impatarus ni Tyndale?

  • Kasano a maipakita ti tunggal maysa kadatayo nga ipatpategtayo ti Sao ti Dios?