Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

PANAGBIAG KEN MINISTERIOTAYO KAS KRISTIANO–WORKBOOK ITI GIMONG MARSO 2016

 GAMENG MANIPUD ITI SAO TI DIOS | JOB 1-5

Nagtalinaed ni Job a Matalek Idi Nasubok

Nagtalinaed ni Job a Matalek Idi Nasubok

Nagnaed ni Job idiay Uz bayat ti tiempo a naadipen dagiti Israelita idiay Egipto. Nupay saan nga Israelita, ni Job ket matalek nga agdaydayaw ken Jehova. Dakkel ti pamiliana, nabaknang, ken dakkel ti impluensiana iti komunidad. Isu ket mararaem unay a mamalbalakad ken di manangidumduma nga ukom. Naparabur kadagiti napanglaw ken agkasapulan. Matalek a tao ni Job.

Nalawag nga impakita ni Job a ni Jehova ti kapatgan a Persona iti biagna

1:8-11, 22; 2:2-5

  • Nakita ni Satanas ti kinamatalek ni Job. Ammona a natulnog ni Job ken ni Jehova; ti ketdi motibo ni Job ti kinuestionaranna

  • Kinuna ni Satanas nga agserserbi ni Job ken ni Jehova gapu iti inaagum a motibo

  • Tapno masungbatan ti karit ni Satanas, impalubos ni Jehova a parigaten ni Satanas dayta a matalek a lalaki. Nangyeg ni Satanas iti didigra iti amin a paset ti biag ni Job

  • Idi nagtalinaed ni Job a matalek, kinuestionaran ni Satanas ti kinamatalek ti amin a tattao

  • Saan a nagbasol ni Job wenno dina inakusar ti Dios nga agar-aramid iti di umiso