Mapan iti linaonna

Mapan iti listaan dagiti linaonna

 GAMENG MANIPUD ITI SAO TI DIOS | JEREMIAS 51-52

Pumayso ti Tunggal Detalye ti Sao ni Jehova

Pumayso ti Tunggal Detalye ti Sao ni Jehova

Indetalye ni Jehova dagiti eksakto a mapasamak iti masanguanan

Pumapana a kameng ti naarian a guardia ti Persia

“Pasilengenyo dagiti pana”

51:11, 28

  • Nalaing a pumapana dagiti Medo ken Persiano ken dagiti pana ti kangrunaan nga armasda. Pinatademda dagita tapno naun-uneg ti masalputda

“Simmardeng a makirupak dagiti nabileg a lallaki ti Babilonia”

51:30

  • Kuna ti Nabonidus Chronicle: “Nastrek dagiti soldado ni Ciro ti Babilonia nga awan ti napasamak a gubat.” Mabalin a kaipapanan dayta nga awan ti engkuentro a napasamak ket maitunos dayta iti padto ni Jeremias

Ti Nabonidus Chronicle

‘Ti Babilonia agbalinto a gabgabsuon a batbato ken langalang agingga iti tiempo a di nakedngan’

51:37, 62

  • Nangrugi a nagpukaw ti dayag ti Babilonia idi 539 B.C.E. Plano ni Alejandro a Dakkel a pagbalinen dayta a kabeserana ngem bigla a natay. Iti rugi ti tiempo dagiti Kristiano, adda pay agnanaed a Judio iti Babilonia isu a bimmisita ni apostol Pedro sadiay. Ngem idi maikapat a siglo C.E., rebrebban ti siudad ket idi agangay, nagpukawen

Kasano nga apektarannak ti pannakatungpal daytoy a padto ti Biblia?

 

Ania ti mabalinko nga isuro iti sabsabali maipapan iti daytoy a padto?