Mapan iti linaonna

Mapan iti listaan dagiti linaonna

 GAMENG MANIPUD ITI SAO TI DIOS | COLOSAS 1-4

Uksobenyo ti Daan, ket Ikawesyo ti Baro

Uksobenyo ti Daan, ket Ikawesyo ti Baro

3:5-14

Dakkel kadi dagiti binalbaliwam iti personalidadmo idi inawatmo ti kinapudno? Masiguradom a naragsakan ni Jehova iti panagreggetmo. (Eze 33:11) Ngem masapul nga itultuloymo ti agregget tapno saan nga agsubli ti daan a personalidad ken tapno maitultuloymo nga ipakita ti baro a personalidad. Sungbatam dagiti sumaganad tapno makitam dagiti mabalinmo a pasayaaten:

  • Nasakit latta kadi ti nakemko iti nakabasol kaniak?

  • Agan-anusak kadi, uray agap-apura wenno nabambannogak?

  • No makapanunotak iti immoral, iwaksik kadi a dagus?

  • Negatibo kadi ti panagkitak kadagiti sabali ti puli wenno nasionalidadda?

  • Iti nabiit, adda kadi pinagsasawak wenno inungtak?