Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

PANAGBIAG KEN MINISTERIOTAYO KAS KRISTIANO–WORKBOOK ITI GIMONG ENERO 2017

 PANAGBIAG KAS KRISTIANO

Diyo Liplipatan nga Ikararagan Dagiti Maidaddadanes a Kristiano

Diyo Liplipatan nga Ikararagan Dagiti Maidaddadanes a Kristiano

Impadto ti Biblia nga idadanesnatayo ni Satanas tapno malapdan ti ministeriotayo. (Jn 15:20; Apo 12:17) Kasanotayo a matulongan dagiti padatayo a Kristiano a maidaddadanes iti sabali a pagilian? Mabalintayo nga ikararagan ida. ‘Ti araraw ti nalinteg a tao aduan iti puersa.’—San 5:16.

Ania ti ikararagtayo? Mabalintayo nga ipakaasi ken Jehova a paturedenna dagiti kakabsattayo ken tulonganna ida a saan nga agbuteng. (Isa 41:10-13) Mabalintay met nga ikararag a palubosan koma dagiti agtuturay ti trabaho a panangasaba “tapno maitultuloytayo ti agbiag a natalinaay ken naulimek.”—1Ti 2:1, 2.

Idi naidadanes da Pablo ken Pedro, inkararagan ida dagiti Kristiano idi umuna a siglo ken dinakamatda ti nagan dagitoy. (Ara 12:5; Ro 15:30, 31) Uray no saantayo nga ammo ti nagan ti amin a maidaddadanes ita, mabalintay ngata a dakamaten ti kongregasion, pagilian wenno rehionda?

Isuratmo dagiti pagilian nga ayan dagiti maidaddadanes a Kristiano a kayatmo nga ikararagan.