Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

PANAGBIAG KEN MINISTERIOTAYO KAS KRISTIANO–WORKBOOK ITI GIMONG DISIEMBRE 2016

 PANAGBIAG KAS KRISTIANO

Panangparang-ay iti Abilidadtayo iti Ministerio—Panangdanon iti Puso Babaen iti Agtalinaedka iti Ayat ti Dios

Panangparang-ay iti Abilidadtayo iti Ministerio—Panangdanon iti Puso Babaen iti Agtalinaedka iti Ayat ti Dios

NO APAY A NAPATEG: Masapul a maammuan dagiti tattao dagiti paglintegan ni Jehova ken surotenda dagita tapno awatenna ti panagdaydayawda. (Isa 2:3, 4) Ti libro nga Ayat ti Dios, a maikadua a mayadal a publikasion, ket makatulong kadagiti iyad-adalan iti Biblia a mangtarus no kasano nga agaplikar iti inaldaw a panagbiagda dagiti prinsipio ti Biblia. (Heb 5:14) Ikagumaantayo koma a danonen ti pusoda no isurotayo ida tapno umiso ti motiboda nga agbalbaliw.—Ro 6:17.

NO KASANO NGA ARAMIDEN:

  • Agsaganaka a naimbag, a sipapanunotka iti kasapulan ti iyad-adalam. Mangaramidka kadagiti mamagpanunot a saludsod a makatulong a mangyaon iti pampanunot ken rikriknana maipapan iti ad-adalenyo.—Pr 20:5; be 259

  • Usarem ti amin a kahon iti libro tapno matulongam ti iyad-adalam a mangbigbig iti kinapateg ti panangyaplikar kadagiti prinsipio ti Biblia

  • Tulongam ti iyad-adalam tapno mairasonanna ti bambanag a nakadepende iti konsiensia ngem saan koma a sika ti agdesision para kenkuana.—Ga 6:5

  • Sitataktika nga ammuem no kasapulan ti iyad-adalam ti tulong a mangyaplikar kadagiti espesipiko a prinsipio ti Biblia. Siaayat a paregtaem nga agbalbaliw gapu iti ayatna ken Jehova.—Pr 27:11; Jn 14:31