Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

PANAGBIAG KEN MINISTERIOTAYO KAS KRISTIANO–WORKBOOK ITI GIMONG DISIEMBRE 2016

 PANAGBIAG KAS KRISTIANO

Ti Edukasion a Naggapu iti Dios Abakenna ti Panangidumduma

Ti Edukasion a Naggapu iti Dios Abakenna ti Panangidumduma

Saan a manangidumduma ni Jehova. (Ara 10:34, 35) Awatenna dagiti tattao “manipud kadagiti amin a nasion ken kadagiti tribu ken kadagiti ili ken kadagiti pagsasao.” (Apo 7:9) Isu nga awan ti lugar ti panangidumduma wenno paboritismo iti kongregasion Kristiano. (San 2:1-4) Gapu iti edukasion a naggapu iti Dios, tagtagiragsakentayo ti naespirituan a paraiso a pakakitaantayo kadagiti nangbalbaliw iti personalidadda. (Isa 11:6-9) Bayat nga ikagkagumaantayo a paruten ti aniaman a panangidumduma iti pusotayo, pampaneknekantayo a tultuladentayo ti Dios.—Efe 5:1, 2.

BUYAEM TI VIDEO A JOHNY AND GIDEON: ONCE ENEMIES, NOW BROTHERS. KALPASANNA, SUNGBATAM DAGITOY A SALUDSOD:

  • Apay a ti edukasion a naggapu iti Dios ket mas epektibo ngem iti panangikagumaan ti tao a mangikkat iti diskriminasion ken panangidumduma?

  • Ania ti magusgustuam unay iti sangalubongan a panagkakabsattayo?

  • Kasano a pakaidayawan ni Jehova no taginayonentayo ti Nakristianuan a panagkaykaysa?