Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

PANAGBIAG KEN MINISTERIOTAYO KAS KRISTIANO–WORKBOOK ITI GIMONG DISIEMBRE 2016

 PANAGBIAG KAS KRISTIANO

“Adtoyak! Ibaonnak”

“Adtoyak! Ibaonnak”

Maikari a tuladen ti kinatulok ni Isaias. Impakitana ti pammatina ken dagdagus a nagtignay iti panagkasapulan uray no dina ammo ti amin a detalye. (Isa 6:8) Mabalinmo kadi a balbaliwan ti kasasaadmo tapno makapagserbika iti lugar nga addaan iti dakdakkel a panagkasapulan iti manangiwaragawag iti Pagarian? (Sal 110:3) Siempre, nakapatpateg a ‘pattapattaen ti magastos’ sakbay nga umakar. (Lu 14:27, 28) Ngem situtulokka koma nga agsakripisio para iti trabaho a panangasaba. (Mt 8:20; Mr 10:28-30) Kas naitampok iti video a Moving to Serve Where the Need Is Greater, dagiti maawattayo a bendision iti panagserbi ken Jehova lab-awanda dagiti sakripisiotayo.

KALPASAN A MABUYAM TI VIDEO, SUNGBATAM DAGITOY A SALUDSOD:

  • Ania dagiti insakripisio dagiti miembro ti pamilia Williams tapno makapagserbida idiay Ecuador?

  • Ania dagiti inkabilanganda idi nagpilida iti lugar a pagserbianda?

  • Ania dagiti bendision a naawatda?

  • Pakasarakam kadagiti kanayonan nga impormasion maipapan iti panagserbi iti lugar nga addaan dakdakkel a panagkasapulan?

ITI SUMARUNO A PANAGDAYDAYAW TI PAMILIAYO, PAGSASARITAANYO DAGITOY A SALUDSOD:

  • Kasanotayo a mapalawa ti ministeriotayo kas pamilia? (km 8/11 4-6)

  • No saantayo a makapagserbi iti lugar nga addaan dakdakkel a panagkasapulan, ania dagiti maaramidantayo a makatulong iti kongregasiontayo? (w16.03 23-25)