Mapan iti linaonna

Mapan iti listaan dagiti linaonna

 PANAGBIAG KAS KRISTIANO

Panangasaba ken Panangisuro—Napateg iti Panagaramid iti Adalan

Panangasaba ken Panangisuro—Napateg iti Panagaramid iti Adalan

Imbilin ni Jesus kadagiti pasurotna nga agaramidda kadagiti adalan. (Mt 28:19) Ramanen daytoy ti panangasaba ken panangisuro. Sagpaminsan nga isaludsodtayo iti bagitayo, ‘Kasanok a mapasayaat ti abilidadko kadagitoy a napateg nga aspeto ti trabaho a panagaramid iti adalan?’

PANANGASABA

Imbes nga urayentayo nga umasideg dagiti tattao, masapul a nagagettayo a mangbirok kadagiti “maikari.” (Mt 10:11) No makiramantayo iti ministerio, nasiputtayo kadi kadagiti gundaway a makisarita kadagiti tattao a ‘nairana nga adda’? (Ara 17:17) Nagbalin nga adalan ni Lidia gapu iti kinagaget ni apostol Pablo a mangasaba.​—Ara 16:13-15.

“Iti bigat imulam ti bin-im ket agingga iti rabii saanmo a paginanaen ta imam” (Ec 11:6)

BUYAEN TI VIDEO A MANGASABAKAYO NGA ‘AWAN SARDAYNA’​—ITI DI PORMAL KEN ITI BINALAYBALAY, SA SUNGBATAN DAGITOY A SALUDSOD:

  • Kasano nga impakita ni Samuel nga aktibo nga agimula iti bukel ti kinapudno iti inaldaw a rutinana?

  • Apay a masapul a nagagettayo a makipaset iti amin a kita ti panangasaba?

  • Siasino dagiti mabalinmo a pangikasabaan iti mensahe ti Pagarian iti inaldaw a rutinam?

PANANGISURO

Tapno makaaramidtayo kadagiti adalan, saantayo laeng a basta mangted iti literatura kadagiti tattao. Tapno matulongantayo ida a rumang-ay iti naespirituan, masapul a sarungkaran ken iyadalantayo ida iti Biblia. (1Co 3:6-9) Ngem kasano no awan unay ti nasayaat a resulta ti panangikagumaantayo a mangisuro iti maysa a tao iti kinapudno maipapan iti Pagarian? (Mt 13:19-22) Masapul nga itultuloytayo ti agbirok kadagiti tattao a ti pusoda ket kas iti “nasayaat a daga.”​—Mt 13:23; Ara 13:48.

“Nagmulaak, ni Apolos nagsibug, ngem ti Dios ti nangpadpadakkel iti dayta” (1Co 3:6)

BUYAEN TI VIDEO A MANGASABAKAYO NGA ‘AWAN SARDAYNA’​—ITI PUBLIKO A LUGAR KEN PANAGARAMID KADAGITI ADALAN, SA SUNGBATAN DAGITOY A SALUDSOD:

  • Kasano a sinibugan da Solomon ken Mary ti bukel ti kinapudno a naimula iti puso da Ezekiel ken Abigail?

  • Ania koma ti kalattayo no makipasettayo iti amin nga aspeto ti ministerio, a pakairamanan ti panangasaba iti publiko?

  • Kasanotayo a maipangpangruna ti panangisuro iti kinapudno iti sabsabali?