Mapan iti linaonna

Mapan iti listaan dagiti linaonna

 PANAGBIAG KAS KRISTIANO

Sibabara nga Abrasaentayo Ida

Sibabara nga Abrasaentayo Ida

Asino ti sibabara nga abrasaentayo? Asinoman a makigimong, damoda man ti umay wenno nabayagen a gagayyemtayo. (Ro 15:7; Heb 13:2) Mabalin a maysa a kapammatian a naggapu iti sabali a pagilian wenno maysa a di aktibo a Kristiano nga adun a tawen a di nakigimgimong. Panunotem ti mariknam no sika ti adda iti kasta a situasion. Saanmo kadi a maapresiar no adda sibabara a mangkablaaw kenka? (Mt 7:12) Isu a mayat no ad-adda pay nga ikagumaam nga asitgan ken kablaawan dagiti adda iti Kingdom Hall sakbay ken kalpasan ti gimong. Makatulong daytoy tapno maadda ti nabara ken naayat a panagkakadua ken maidaydayaw ni Jehova. (Mt 5:16) Siempre, mabalin a saantayo a makasarita ti amin. Ngem no aramidentayo amin ti pasettayo, mariknada a maragsakantayo iti kaaddada. *

Maipakita ti napaypayso a kinamanagpadagus saan laeng a kadagiti espesial nga okasion kas iti Memorial no di ket iti amin a gundaway. No makita ken marikna dagiti damoda ti umatender ti pudno a Nakristianuan nga ayat, mabalin a matignayda a mangidayaw iti Dios ken makikadua kadatayo iti nasin-aw a panagdayaw.—Jn 13:35.

^ par. 3 Ipakita dagiti prinsipio ti Biblia a saantayo a kablaawan dagiti nailaksid wenno simmina iti organisasion a mabalin a makigimong.—1Co 5:11; 2Jn 10.