Mapan iti linaonna

Mapan iti listaan dagiti linaonna

 KANTA 44

Kararag ti Malidlidayan

Agpili iti Audio Recording
Kararag ti Malidlidayan
VIEW

(Salmo 4:1)

  1. 1. O Jehova, denggem kadi daytoy kararagko.

    Kimmapsutak unay gaput’ pannakaupayko.

    Diakon madaeran ti saem a marikriknak.

    O Dios, sapay ta aywanan ken liwliwaennak.

    (KORO)

    O Jehova, bangonennak.

    Ken ni liday aonennak.

    Sika ti pangnamnamaak.

    Apo, pabaruem ti pigsak.

  2. 2. No nakapsutak, Saom ti mangpabileg kaniak;

    Iyebkasna ti diak maipeksa a rikriknak.

    Pammati ken panagtalek patanorem kaniak.

    Ammok a ti ayatmo ringbawanna ti riknak.

    (KORO)

    O Jehova, bangonennak.

    Ken ni liday aonennak.

    Sika ti pangnamnamaak.

    Apo, pabaruem ti pigsak.