Mapan iti linaonna

Mapan iti listaan dagiti linaonna

 KANTA 111

Dagiti Panggapuantayo nga Agrag-o

Agpili iti Audio Recording
Dagiti Panggapuantayo nga Agrag-o
VIEW

(Mateo 5:12)

  1. 1. Adu ti rumbeng a pagrag-oan.

    Daytat’ aglaplapusanan.

    Amin a kita ti tattao

    Timmipondan kadatayo.

    Ragsaktay saan a malapdan

    Ta kinapudno naammuan.

    Saot’ Dios adalen a naynay

    Ket pammatitay rumayray.

    Adut’ panggapuan nga agrag-o,

    Nasged iti pusotayo.

    No dumteng ti pakasuotan,

    Ti Dios innatay tulongan.

    (KORO)

    Ni Jehova a Diostayo,

    Gubuayan ti rag-otayo.

    Di matukod ti kinasiribna.

    Anian a kinaimbagna!

  2.  2. Nakaskasdaaw ti parsuana,

    Ti langit, baybay, ken daga.

    Gaput’ amin nga aramidna,

    Dayaw ipaay kenkuana.

    Intay ngarud ipakaammo

    Agturturayen ni Kristo

    Ken ti Pagarian ni Jehova

    Bendision ti ipaayna.

    Agnanayon a kinaragsak

    Dayta ti intay masagrap.

    Ti Dios tungpalennat’ karina,

    Baro a langit ken daga.

    (KORO)

    Ni Jehova a Diostayo,

    Gubuayan ti rag-otayo.

    Di matukod ti kinasiribna.

    Anian a kinaimbagna!