Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN SEPTIEMBRE 2015

 SUHETO ITI AKKUB | SIASINO DAGITI SAKSI NI JEHOVA?

Ania ti Patpatien Dagiti Saksi ni Jehova?

Ania ti Patpatien Dagiti Saksi ni Jehova?

Patien dagiti Saksi ni Jehova nga “amin a Kasuratan impaltiing [wenno impaisurat] ti Dios ken makagunggona.” (2 Timoteo 3:16) Us-usarenmi ti Biblia kas makatulong a giya tapno maam-ammomi ti Namarsua ken agbalin a naragsak ti biagmi.

Kuna ti Biblia: “Maammuan koma dagiti tattao a sika, nga agnagan Jehova, sika laeng ti Kangatuan iti intero a daga.” (Salmo 83:18) Dayta ti makagapu a ni laeng Jehova a Dios ti pagdaydayawanmi ken kas saksina, determinadokami nga ipakaammo ti personal a naganna.—Isaias 43:10-12.

Kas Kristiano, patienmi a ni Jesus nga “Anak ti Dios” * ket immay ditoy daga ken nagbalin a Mesias. (Juan 1:34, 41; 4:25, 26) Kalpasan a natay ni Jesus, napagungar ken nagpalangit. (1 Corinto 15:3, 4) Idi agangay, nagbalin nga Ari ti Pagarian ti Dios. (Apocalipsis 11:15) Dayta a Pagarian ket maysa a pudpudno a gobierno a mangisublinto iti Paraiso ditoy daga. (Daniel 2:44) “Dagidiay naemma tagikuaendanto ti daga, ket pudno a maragsakandanto iti napalalo iti kinaruay ti talna,” kuna ti Biblia.—Salmo 37:11, 29.

“No basaenda ti Biblia, mariknada a makisarsarita ti Dios kadakuada. Kada maipasangoda iti problema, alaenda ti Biblia ket agbirokda sadiay iti solusion. . . . Para kadakuada, epektibo pay laeng ti Sao ti Dios.”—Katoliko a padi a ni Benjamin Cherayath, Münsterländische Volkszeitung a diario, Germany

Patien dagiti Saksi ni Jehova nga uray ita, makatulong pay laeng dagiti prinsipio ti Biblia kadagiti tattao. (Isaias 48:17, 18) Isu a sursurotenmi a naimbag dagita a prinsipio. Kas pagarigan, gapu ta ibagbaga ti Biblia a liklikantayo dagiti aramid a mangrugit iti isip ken bagitayo, saankami nga agsigarilio wenno agdroga. (2 Corinto 7:1) Likliklikanmi met dagiti aramid nga espesipiko nga ibagbaga ti Biblia a dakes kas iti panagbartek, seksual nga immoralidad, ken panagtakaw.—1 Corinto 6:9-11.

^ par. 5 Sigun iti Biblia, ni Jesus “ti bugbugtong nga Anak ti Dios” gapu ta isu ti kaunaan ken kakaisuna a direkta a pinarsua ni Jehova.—Juan 3:18; Colosas 1:13-15.

Ammuem ti Ad-adu Pay

Ania ti Patpatien Dagiti Saksi ni Jehova?

Ammuem ti ababa nga impormasion maipapan iti 15 a kangrunaan a patpatienmi.

Patien Kadi Dagiti Saksi ni Jehova nga Isuda Laeng ti Pudno a Relihion?

Imbaga kadi ni Jesus nga adu ti dalan nga agturong iti pannakaisalakan?