Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN SEPTIEMBRE 2015

 SUHETO ITI AKKUB | SIASINO DAGITI SAKSI NI JEHOVA?

Ania a Kita ti Tattao Dagiti Saksi ni Jehova?

Ania a Kita ti Tattao Dagiti Saksi ni Jehova?

Maysakami nga internasional nga organisasion a saan a konektado iti sabali a relihion. Uray no adda idiay United States ti hedkuartermi, aggigian iti sabali a nasnasion ti kaaduan kadakami. Kinapudnona, nasurok a 8 a milion kadakami ti mangisursuro iti Biblia iti nasurok a 230 a dagdaga, kas panangsurot iti sasao ni Jesus: “Daytoy naimbag a damag ti pagarian maikaskasabanto iti intero a mapagnaedan a daga maipaay a pangsaksi kadagiti amin a nasion.”—Mateo 24:14.

Sadinoman ti paggigiananmi, ikagkagumaanmi ti agtulnog iti linteg. Ngem determinadokami nga agtalinaed a neutral iti politika. Sursurotenmi ngamin ti bilin ni Jesus kadagiti Kristiano nga agtalinaed a ‘saan a paset ti lubong.’ Isu a dikami makiramraman kadagiti isyu ken ar-aramid maipapan iti politika wenno sumupsuporta iti gubat. (Juan 15:19; 17:16) Kinaagpaysuanna, idi Gubat Sangalubongan II, naibalud dagiti Saksi ni Jehova, naparparigatda, ken napapatay pay ti dadduma gapu iti neutral a takderda. Insurat ti maysa a dati a German nga obispo: “Adda kalinteganda a mangibaga nga isuda laeng ti kangrunaan a saan a nagsoldado gapu iti diktar ti konsiensiada” idi nagturay ni Hitler.

“Determinado [dagiti Saksi ni Jehova] a mangaramid iti umiso. Mayat no dagitoy a managsakripisio a tattao ti agtugaw uray kadagiti kangatuan a posision iti politika—ngem uray ania ti ar-aramidentayo dida pulos awaten dayta. . . . Resrespetuenda dagiti agtuturay iti gobierno ngem patienda a ti laeng Pagarian ti Dios ti makasolbar iti amin a problema ti tao.”—Diario a Nová Svoboda, Czech Republic

Ngem dimi met isinsina ti bagimi. Inkararag ni Jesus iti Dios maipapan kadagiti adalanna: “Kiddawek kenka, a saanmo nga ikkaten ida iti lubong.” (Juan 17:15) Isu a makitkitanakami iti pagtrabahuan, paggatangan, ken eskuelaan.

Ammuem ti Ad-adu Pay

Ania ti Pagarian ti Dios?

Ammuem no apay a nasaysayaat ti gobierno ti Dios ngem iti amin a gobierno.