Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Pagwanawanan  |  Septiembre 2015

 SUHETO ITI AKKUB | SIASINO DAGITI SAKSI NI JEHOVA?

Paggapgapuan ti Pondomi?

Paggapgapuan ti Pondomi?

Kada tawen, minilmilion a Biblia ken naibatay-Biblia a pagbasaan ti iyim-imprenta ken iwarwarasmi. Iti intero a lubong, adda dagiti sanga nga opisina ken pagimprentaan nga ibangbangon ken imatmatonanmi. Rinibu a kongregasion ti agtataripnong kadagiti simple ngem napintas a Kingdom Hall a lugar a pagdaydayawanmi. Paggapgapuan ti pondo para kadagita?

Masupsuportaran laeng ti trabahomi babaen kadagiti boluntario a donasion. (2 Corinto 9:7) Idi 1879, kinuna daytoy a magasin: “Patienmi a supsuportaran ni JEHOVA a Dios ti ‘Zion’s Watch Tower’ [kas awag idi iti daytoy a magasin]. Isu a pulos a dinto dumawat wenno agpakaasi iti tulong ti tao.” Sursurotenmi pay laeng dayta ita.

Dagiti donasion ket direkta a maipatulod kadagiti sanga nga opisinami wenno maipisok iti kahon ti kontribusion a makita iti Kingdom Hall. Ngem dikami dumawdawat iti 10% ti binulan a sapul ken agkolkolekta iti kuarta wenno agpabpabayad para iti serbisio wenno publikasionmi. Dikami masuelsuelduan iti panangasabami, panangisuromi iti kongregasion, wenno itutulongmi nga agibangon kadagiti lugar a pagdaydayawanmi. Ngamin, kuna ni Jesus: “Inawatyo nga awan bayadna, itedyo nga awan bayadna.” (Mateo 10:8) Awan sueldo ti amin a ministro kadagiti sanga nga opisinami ken iti sangalubongan a hedkuartermi, agraman dagiti miembro ti Bagi a Manarawidwid (Governing Body) dagiti Saksi ni Jehova.

“Ti pondo para iti amin nga aktibidad dagiti Saksi ni Jehova ket mapataud babaen ti boluntario a donasion, ken ikeddeng ti tunggal maysa no mano ti idonarna ken no kasano kasansan ti ‘panagdonarna.’”—European Court of Human Rights, 2011

Maus-usar met dagiti donasion kas pangsaranay kadagiti biktima ti kalamidad. Naragsakan dagiti nagkauna a Kristiano a timmulong kadagiti nagpasar iti nakaro a rigat. (Roma 15:26) Tultulonganmi met dagiti biktima ti kalamidad babaen ti panangtarimaan iti nadadael a balayda ken lugar a pagdaydayawanda ken panangipaay kadagiti makan, bado, ken kasapulanda a panangagas.