Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN ENERO 2015

Ammoyo Kadi?

Ammoyo Kadi?

Ania ti kaipapanan ti sao a “eunuko” a nadakamat iti Biblia?

Detalye ti naikitikit a ladawan ti eunuko iti Asiria

No dadduma, mabalin a tumukoy dayta iti maysa a nakapon a lalaki. Idi tiempo ti Biblia, makapon ti dadduma a lallaki kas dusa wenno gapu iti pannakaibalud wenno pannakaadipenda. Dagiti nakapon a mapagtalkan a lallaki ti mangimaton iti balay dagiti babbai, wenno kamalala, iti sangakabbalayan ti ari. Kas pagarigan, dagiti eunuko a da Hegai ken Saasgaz ti paraaywan kadagiti assawa ken kamalala ti ari ti Persia a ni Asuero, a naipagarup kas Xerxes I.—Ester 2:3, 14.

Ngem saan nga aktual a nakapon ti amin a nadakamat iti Biblia kas eunuko. Kuna ti dadduma nga eskolar a tumukoy met dayta a sao iti maysa nga opisial nga agserserbi iti palasio ti ari kas ken Ebed-melec a kadua ni Jeremias, ken iti di nainaganan nga Etiope a nakasabaan ti ebanghelisador a ni Felipe. Sigurado a ni Ebed-melec ket maysa a nangato nga opisial, ta direkta a makasaritana ni Ari Zedekias. (Jeremias 38:7, 8) Ken ti Etiope a “napan idiay Jerusalem tapno agdaydayaw” ket nadeskribir kas tesorero iti palasio.—Aramid 8:27.

Apay a dagiti pastor idi tiempo ti Biblia paglasinenda dagiti karnero ken kalding?

Idi dineskribir ni Jesus ti panangukom iti masanguanan, kinunana: “Inton ti Anak ti tao dumteng iti dayagna, . . . paglalasinennanto dagiti tattao iti maysa ken maysa, a kas ti maysa a pastor ilasinna dagiti karnero manipud kadagiti kalding.” (Mateo 25:31, 32) Apay a paglasinen dagiti pastor dagitoy nga animal?

Gagangay nga agkakadua a maipaarab dagiti karnero ken kalding bayat ti aldaw. Ngem iti rabii, mayaponda kadagiti kulongan tapno masalaknibanda kadagiti atap nga animal, mannanakaw, ken iti lam-ek. (Genesis 30:32, 33; 31:38-40) Nagsina ti pakayaponan dagitoy dua a kita ti animal tapno saan a madangran dagiti naamo a karnero, nangruna dagiti kabaian ken urbon, manipud kadagiti mas agresibo a kalding. Paglasinen pay ti pastor dagiti karnero ken kalding bayat ti “panagpaadu, pananggatas, ken panagpukis,” kuna ti libro nga All Things in the Bible. Gapuna, naadaw ti ilustrasion ni Jesus kadagiti kaugalian ken ladawan a pamiliar kadagiti agdengdengngeg nga adda kadagiti lugar a pagpastoran, kas iti nagkauna nga Israel.

Ammuem ti Ad-adu Pay

Biag Idi Tiempo ti Biblia—Ti Pastor

Ania nga animal ti ay-aywanan ti pastor? Ania dagiti trabahona?