Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN DISIEMBRE 2014

 SUHETO ITI AKKUB | MABALINMO TI SUMINGED ITI DIOS

Ti Kasayaatan a Wagas ti Panagbiag

Ti Kasayaatan a Wagas ti Panagbiag

Ania ti mabalinmo nga aramiden tapno sumingedka iti Dios? Dagitoy ti sumagmamano a pamay-an a nausigtayon:

  1. Ammuem ken usarem ti nagan ti Dios a Jehova.

  2. Regular a makisaritaka kenkuana babaen ti kararag ken panagadal iti Saona, ti Biblia.

  3. Itultuloymo nga aramiden dagiti makaay-ayo ken Jehova.

Sumingedka iti Dios no usarem ti naganna, agkararagka kenkuana, adalem ti Saona, ken aramidem ti makaay-ayo kenkuana

Maibatay kadagita, maibagam kadi nga ar-aramidem ti kasapulan tapno sumingedka iti Dios? Adda kadi masapul a parang-ayem kadagita? Nalawag a kasapulan ti panagregget, ngem kitaem dagiti resultana.

“Saan a sayang ti tunggal panagreggetmo a mangpasinged iti relasionmo iti Dios,” kuna ni Jennifer a taga-United States. “Mangyeg daytoy a relasion iti adu a bendision: natibtibker a panagtalek iti Dios, ad-adda a pannakatarus iti personalidadna, ngem ti kapatgan iti amin, naun-uneg a panagayat ken Jehova. Daytoy ti kasayaatan a wagas ti panagbiag!”

No kayatmo ti maaddaan iti nasinged a relasion iti Dios, maragsakan dagiti Saksi ni Jehova a tumulong kenka. Mabalinmo ti makipagadal iti Biblia kadakuada nga awan ti bayadam. Aw-awisendaka met nga umatendar kadagiti panagadal iti Biblia iti Kingdom Hall iti lugaryo tapno matagiragsakmo ti makilangen kadagidiay mangipatpateg iti relasionda iti Dios. * Iti kasta, mariknam met ti kas iti narikna ti salmista a nangikuna: “No maipapan kaniak, ti iyaadani iti Dios naimbag kaniak.”—Salmo 73:28.

^ par. 9 No kayatmo ti agkiddaw iti panangyadal iti Biblia wenno maammuan ti kaasitgan a Kingdom Hall iti lugaryo, makisaritaka iti nangted kenka iti daytoy a magasin wenno mapanka iti Web site-mi a www.jw.org/ilo sa kitaem ti KONTAKENNAKAMI iti baba ti panid.

Ammuem ti Ad-adu Pay

Ania ti Panagadal iti Biblia?

Ammuem ti sungbat dagiti saludsod maipapan iti programa a libre a panagadal iti Biblia.

Ania ti Maar-aramid iti Kingdom Hall?

Kitaem a mismo ti maar-aramid iti uneg ti Kingdom Hall.