Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

TI PAGWANAWANAN DISIEMBRE 2014

Sungbat Dagiti Saludsod Maipapan iti Biblia

Sungbat Dagiti Saludsod Maipapan iti Biblia

Kasano a masursuro dagiti annak nga ayaten ti Dios?

Usarem dagiti adal a masursuro kadagiti parparsua a mangtulong iti anakmo a mangammo ken mangayat iti Dios

Masursuro laeng dagiti annakmo nga ayaten ti Dios no nabatad kadakuada nga isu ket adda ken ipatpategna ida. Tapno maayatda ti Dios, masapul a maam-ammoda nga umuna. (1 Juan 4:8) Kas pagarigan, masapul a maammuanda dagiti sumaganad: Apay a pinarsua ti Dios dagiti tattao? Apay nga ipalpalubos ti Dios ti panagsagaba? Ania ti aramiden ti Dios iti masanguanan para iti sangatauan?—Basaen ti Filipos 1:9.

Tapno matulongam dagiti annakmo a mangayat iti Dios, masapul a makitada nga isu ket ay-ayatem. Iti kasta, tuladenda ti ulidanmo.—Basaen ti Deuteronomio 6:5-7; Proverbio 22:6.

Kasanom a madanon ti puso dagiti annakmo?

Nabileg ti Sao ti Dios. (Hebreo 4:12) Isu nga isurom dagiti annakmo kadagiti pamunganayan a sursuro. Tapno madanon ni Jesus ti puso dagiti tattao, nagsaludsod, immimdeng, ken inlawlawagna dagiti Kasuratan. Tapno madanonmo ti puso dagiti annakmo, mabalinmo a tuladen ti pamay-an ni Jesus a nangisuro.—Basaen ti Lucas 24:15-19, 27, 32.

Kanayonanna, dagiti salaysay ti Biblia maipapan iti pannakilangen ti Dios kadagiti tattao matulonganna dagiti annak a mangammo ken mangayat iti Dios. Adda dagiti publikasion a nairanta iti daytoy a panggep a mabasa iti www.jw.org/ilo.—Basaen ti 2 Timoteo 3:16.

 

Ammuem ti Ad-adu Pay

ANIA A TALAGA TI ISURSURO TI BIBLIA?

No Kasano nga Agbalin a Naragsak ti Biag ti Pamiliayo

Ti ayat nga impakita ni Jesus ket nasayaat a tuladen dagiti assawa a lallaki, assawa a babbai, nagannak, ken annak. Ania ti masursurotayo kenkuana?

UBBING

Agbalinka a Gayyem ni Jehova

Dagitoy nga animated videos, kanta, ken mai-print nga aktibidad ket makatulong kadagiti ubbing a mangparagsak iti Dios.