Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

TI PAGWANAWANAN NOBIEMBRE 2014

 SUHETO ITI AKKUB | AGPAYPAYSO KADI NI SATANAS?

Adda Kadi Satanas?

Adda Kadi Satanas?

Estatua iti Madrid, Spain, a mangiladladawan ken Satanas kas dakes nga anghel a naitapuak iti daga

“Dimmakkelak iti El Salvador. No agsuksukirak idi, ibaga ni Nanang, ‘Umaynaka alaen ti Diablo!’ Kunak met, ‘Umay latta a!’ Mamatiak iti Dios, ngem saanak a mamati ken Satanas.”—ROGELIO.

Umanamongka kadi ken Rogelio? Ania kadagitoy nga opinion ti patiem?

  • Saan nga agpaypayso ni Satanas; maysa laeng a simbolo ti kinadakes.

  • Adda Satanas, ngem saan nga interesado kadagiti tattao.

  • Ni Satanas ket maysa a mannakabalin nga espiritu a parsua a napigsa ti impluensiana kadagiti tattao.

Adda mamati iti tunggal maysa kadagita nga opinion, nalabit minilion pay ketdi. Ngem talaga kadi a napateg no ania nga opinion ti umiso? Bueno, no awan ni Satanas, naallilaw dagidiay mamati nga agpaypayso isuna. No adda met ngem saan nga interesado kadagiti tattao, adu ti agan-annad wenno mabutbuteng nga awan gapgapuna. Nupay kasta, no ni Satanas ket maysa a manangallilaw a mangkonkontrol kadagiti tattao, napegpeggad ngarud ngem iti ipagarup ti kaaduan.

Ammuentayo ti sungbat ti Nasantuan a Kasuratan kadagitoy a saludsod: Ania wenno asino ni Satanas—maysa a simbolo ti kinadakes wenno espiritu a persona? No maysa a persona, agpegpeggadka kadi kenkuana? No wen, kasanom a masalakniban ti bagim?