Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Pagwanawanan  |  Marso 2014

Sungbat Dagiti Saludsod Maipapan iti Biblia

Sungbat Dagiti Saludsod Maipapan iti Biblia

Kasanotayo a magunggonaan iti ipapatay ni Jesus?

Idi pinarsua ti Dios ti tao, panggepna nga agbiagda nga agnanayon ditoy daga a saan a pulos nga agsakit wenno matay. Nupay kasta, nagsukir iti Namarsua ti umuna a tao a ni Adan ket napukawna ti namnama a biag nga agnanayon. Gapu ta kaputotannatayo ni Adan, natawidtayo ti basol kenkuana. (Roma 5:8, 12; 6:23) Ngem ti pudno a Dios a ni Jehova imbaonna ti Anakna a ni Jesus ditoy daga tapno matay ken isublina ti napukaw ni Adan.—Basaem ti Juan 3:16.

Natay ni Jesus tapno agbiag manen nga agnanayon dagiti tattao. Kasanom nga iladawan ti biag nga agnanayon ditoy daga?

Posible a maaddaantayo iti biag nga agnanayon ken mapakawan dagiti basoltayo babaen ti ipapatay ni Jesus. Iladawan ti Biblia ti kasasaad ti biag ditoy daga inton awanen ti lumakay ken bumaket, agsakit ken matay.—Basaem ti Isaias 25:8; 33:24; Apocalipsis 21:4, 5.

Kasanotayo a laglagipen ti ipapatay ni Jesus?

Iti rabii sakbay a matay, binilin ni Jesus dagiti pasurotna a laglagipenda ti ipapatayna babaen iti simple a seremonia. Ti kasta a pananglaglagip iti ipapatay ni Jesus iti kada tawen, ikkannatayo iti gundaway a mangutob no kasano kauneg ti panagayat kadatayo ni Jehova ken ni Jesus.—Basaem ti Lucas 22:19, 20; 1 Juan 4:9, 10.

Iti daytoy a tawen, maangay ti Pananglaglagip iti ipapatay ni Jesus iti Lunes, Abril 14, kalpasan ti ilelennek ti init. Awisendaka dagiti Saksi ni Jehova iti lugaryo a tumabuno.—Basaem ti Roma 1:11, 12.