Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN PEBRERO 2014

Sungbat Dagiti Saludsod Maipapan iti Biblia

Sungbat Dagiti Saludsod Maipapan iti Biblia

Talaga kadi a ti Biblia ket Sao ti Dios?

Namnamaem a naisangsangayan ti Sao ti Dios ket kasta ti Biblia. Binilionen a kopia ti Biblia ti nayimprenta iti ginasut a lengguahe. Adda bileg ti sirib a linaonna a mangpasayaat iti biag dagiti tattao.—Basaem ti 1 Tesalonica 2:13; 2 Timoteo 3:16.

Ammotayo a ti Biblia ket nagtaud iti Dios agsipud ta umiso dagiti padtona maipapan iti masanguanan. Saan a kabaelan ti tao nga aramiden dayta. Alaentay a pagarigan ti libro nga Isaias. Nasarakan ti maysa a kopiana iti kueba iti asideg ti Dead Sea. Addan dayta nasurok a maysa a siglo sakbay a nayanak ni Jesus. Sigun iti dayta, saan a mapagnaedan ti siudad ti Babilonia. Immuna a natungpal dayta adu a tawen kalpasan ti ministerio ni Jesus ditoy daga.—Basaem ti Isaias 13:19, 20; 2 Pedro 1:20, 21.

Kasano a naisurat ti Biblia?

Naisurat ti Biblia iti nasurok a 1,600 a tawen. Adda agarup 40 a mannurat ti Biblia. Maymaysa ti tema ti insuratda ken saan nga agsisimparat. Kasano a posible dayta? Inwanwan ida ti Dios.—Basaem ti 2 Samuel 23:2.

Adda dagiti gundaway a nakisarita ti Dios kadagiti mannurat iti Biblia babaen kadagiti anghel, sirmata, wenno tagtagainep. Inkabil ti Dios ti ideyana iti panunot dagiti mannurat ken pinalubosanna ida a mangusar iti bukodda a sasao a mangyebkas iti mensahe ti Dios.—Basaem ti Apocalipsis 1:1; 21:3-5.

 

Ammuem ti Ad-adu Pay

Ti Biblia—Libro a Naggapu iti Dios

Kasano a matulongannaka ti Biblia a mangrisut kadagiti parikutmo? Apay a mapagtalkam dagiti padtona?