Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN ENERO 2014

 SUHETO ITI AKKUB | NI KADI PATAY TI PAGPATINGGAAN TI AMIN?

Ti Panangikagumaan ti Tao a Mangparmek ken Patay

Ti Panangikagumaan ti Tao a Mangparmek ken Patay

NI EMPEROR QIN SHI HUANG

NI EKSPLORADOR PONCE DE LEÓN

Nakabutbuteng a kabusor ni patay. Ikagumaantayo a parmeken dayta. Nalabit ditay maaklon no matay ti ipatpategtayo. Wenno, mabalin nga ipagaruptayo a saantayo a matay no kabambanuagantayo pay, maysa nga ilusion a patpatientayo.

Mamati dagiti nagkauna a Faraon iti immortalidad. Inusarda ti biagda ken ti biag ti rinibu a trabahadorda iti panangikagumaanda a mangparmek iti ipapatay. Ti panagreggetda ken pannakapaayda ket paneknekan dagiti binangonda a piramid.

Kasta met laeng ti arapaap dagiti emperor a Tsino, nupay iti sabali met a pamay-an—ti agas a mangpaatiddog iti biag. Kiniddaw ni Emperor Qin Shi Huang kadagiti alchemist a mangaramidda iti namilagruan nga agas a manglapped iti ipapatay. Ngem kaaduan kadagita a substansia ket addaan iti makasabidong a mercury, ket mabalin a maysa kadagita ti nakatayanna.

Idi maika-16 a siglo C.E., naglayag iti Caribbean ti Espaniol nga eksplorador a ni Juan Ponce de León, tapno sapulenna ti agdindinamag nga ubbog ti kinaagtutubo. Bayat ti panaglayagna, nadiskobrena ti lugar a maawagan ita iti Florida, U.S.A. Ngem sumagmamano a tawen kalpasanna, natay idi nakilaban kadagiti Katutubo iti America. Gapuna, awan ti nasarakanna nga ubbog ti kinaagtutubo.

Inkagumaan dagiti Faraon, emperor, ken eksplorador a parmeken ni patay. Saan kadi a tarigagayantayo met ti panggepda, uray ditay kayat ti pamay-anda? Kinapudnona, kayattayo amin ti agtultuloy nga agbiag.

MAPARMEK KADI NI PATAY?

Apay a kabusortayo ni patay? Ilawlawag ti Biblia ti makagapu. Kastoy ti kunana maipapan iti Namarsua a ni Jehova a Dios *: “Tunggal banag inaramidna a napintas iti tiempona. Uray ti tiempo a di nakedngan insaadna iti pusoda [dagiti tattao].” (Eclesiastes 3:11) Kayattayo a matagiragsak ti kinapintas ti daga iti agnanayon,  saan laeng nga iti 80 a tawen wenno nasursurok pay. (Salmo 90:10) Dayta ti tarigagay ti pusotayo.

Apay nga inkabil ni Jehova ti “tiempo a di nakedngan” iti pusotayo? Tapno kadi madismayatayo? Saan. Kinapudnona, inkari ti Dios a parmekenna ni patay. Maulit-ulit nga ibaga ti Biblia a mapukawto ni patay ken inkari ti Dios ti biag nga agnanayon.—Kitaem ti kahon a,  “Panangparmek ken Patay.”

Nalawag a kinuna ni Jesus: “Daytoy kaipapananna ti agnanayon a biag, ti pananggun-odda iti pannakaammo maipapan kenka, ti maymaysa a pudno a Dios, ken iti daydiay imbaonmo, ni Jesu-Kristo.” (Juan 17:3) Gapuna, adda namnama a mapukawto ni patay. Ngem impatalged ni Jesus a ti Dios laeng ti makaparmek ken patay.

^ par. 9 Jehova ti nagan ti Dios a naipakaammo iti Biblia.