Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN DISIEMBRE 2013

 ISUROYO DAGITI ANNAKYO

Jesu-Kristo—Ania ti Laglagipentayo Maipapan Kenkuana?

Jesu-Kristo—Ania ti Laglagipentayo Maipapan Kenkuana?

No bulan ti Disiembre, makita ti adu a tattao iti intero a lubong dagiti retrato ni Jesus kas maladaga. Adda iti kulluong wenno dakkel a kahon a naap-apan iti garami a kanen ti animal. Ngem laglagipentayo laeng kadi ni Jesus kas maladaga? * Pagsaritaanta ti napateg a pamay-an a pananglagip kenkuana. Adda maadaltayo iti napasamak kadagiti pastor iti maysa a rabii nga addada iti ruar iti asideg ti Betlehem.

Bigla a nagparang kadagiti pastor ti maysa nga anghel. Kunana kadakuada: “Nayanak kadakayo ita nga aldaw ti maysa a Manangisalakan, nga isu ti Kristo nga Apo.” Imbaga pay ti anghel a masarakanda ni Jesus a nabalkot iti lupot ken nakaidda iti kulluong. Idi kuan, nagparang ti adu nga anghel a ‘nangidaydayaw iti Dios.’

Ania ti mariknam no makitam dagiti anghel a mangidaydayaw iti Dios?— Naragsakan dagiti pastor! ‘Mapantayo ngarud idiay Betlehem,’ kunada, ‘ket kitaentayo daytoy a napasamak.’ Nakitada sadiay ni “Maria kasta met ni Jose, ken ti maladaga a nakaidda iti kulluong.”

Idi agangay, napan met ti dadduma idiay Betlehem nga ayan da Maria ken Jose. Idi imbaga kadakuada dagiti pastor ti napasamak, nagsiddaawda. Maragsakanka kadi a makaammo kadagitoy a nagsayaat a bambanag?— Naragsaktayo amin a mangay-ayat iti Dios. Kitaenta no apay a makaparagsak ti pannakayanak ni Jesus. Ammuenta pay nga umuna ti napasamak sakbay a nakiasawa ni Maria.

Naminsan, maysa nga anghel nga agnagan Gabriel ti bimmisita ken Maria. Inkarina ken Maria a maaddaan iti anak nga agbalinto a ‘naindaklan ken maawagan iti Anak ti Kangatuan.’ Kinuna ni Gabriel: “Agturayto kas ari ket awanto ti panungpalan ti pagarianna.”

Kayat a maammuan ni Maria no kasano a mapasamak dayta gapu ta awan pay asawana. Inlawlawag  ngarud ni Gabriel kenkuana: “Ti pannakabalin ti Kangatuan salinongannakanto,” ket “ti mayanak maawaganto iti nasantuan, Anak ti Dios.” Dakkel a milagro ti inaramid ti Dios ta manipud langit inyakarna ti biag ti Anakna iti tian ni Maria tapno mayanak kas tao!

Nakakitaka kadin iti retrato wenno displey ti tallo a “masirib a lallaki” a bimmisita iti ubing a ni Jesus a kaduana dagiti pastor?— Gagangay ti kasta a retrato no tiempo ti Krismas. Ngem saan nga agpayso dayta. Astrologo dagita a “masirib a lallaki,” nga agar-aramid kadagiti kagura ti Dios. Kitaenta ti napasamak idi simmangpetda. Kuna ti Biblia: “Idi simrekda iti balay nakitada ti ubing agraman ni Maria nga inana.” Isu a saanen a maladaga ni Jesus nga adda iti kahon a panganan ti animal. Maysan nga ubing ni Jesus a kadua da Jose ken Maria iti balay!

Kasano a nasarakan dagiti astrologo ni Jesus?— Inturong nga umuna ida ti “bituen” ken Ari Herodes iti Jerusalem, saan nga idiay Betlehem. Kuna ti Biblia a kayat ni Herodes a masarakan ni Jesus tapno patayenna. Ita, panunotem daytoy. Asino ti nangpaadda iti nagparang a bituen a sinurot dagiti astrologo a mapan ken Herodes?— Saan a ti pudno a Dios a ni Jehova no di ket ti kabusor a ni Satanas a Diablo!

Kayat ni Satanas a panunoten dagiti tattao a ni Jesus ket maysa nga awan gawayna a maladaga. Ngem kinuna ni anghel Gabriel ken Maria: “Agturayto kas ari . . . , ket awanto ti panungpalan ti pagarianna.” Agturturay itan ni Jesus kas Ari idiay langit. Dandaninan dadaelen ti amin a kabusor ti Dios. Dayta ti laglagipentayo maipapan ken Jesus ken ibagatayo dayta iti sabsabali.

^ par. 3 No adda kaduam nga ubing, ti uged ket palagip nga agsardengka ken paregtaem nga ibagana ti naawatanna.

Ammuem ti Ad-adu Pay

Siasino ni Jesu-Kristo?

Ammuem no apay a ni Jesus ti naikari a Mesias, naggapuanna, ken no apay a naawagan iti bugbugtong nga Anak ti Dios.

Ti Subbot—Kapatgan a Sagut ti Dios

Ania ti subbot? Kasanoka a mabenepisiaran iti daytoy?