Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN OKTUBRE 2013

 SUHETO ITI AKKUB | ANIA TI MENSAHE TI BIBLIA?

Naimbag a Damag Para iti Amin a Tao

Naimbag a Damag Para iti Amin a Tao

Napabileg ken naparegta dagiti adalan idi napagungar ni Jesus. Kas pagarigan, nagdaliasat ni apostol Pablo iti Asia Menor ken iti Mediteraneo tapno mangbuangay kadagiti kongregasion ken mangpabileg kadagiti Kristiano nga agmatalekda uray maipasangoda kadagiti pakasuotan ken nakaro a pannakaidadanes. Nupay adda dagiti problema, nagsaknap ken rimmang-ay ti Kristianidad.

Idi agangay, naibalud ni Pablo. Nupay kasta, nagsurat latta kadagiti kongregasion Kristiano tapno paregtaen ken balakadanna ida. Pinakdaaranna ida iti nakarkaro a peggad nga isu ti apostasia. Babaen ti panangiwanwan ti nasantuan nga espiritu ti Dios, nakita ni Pablo a nasaksakbay dagiti “manangirurumen a lobo” nga agsao kadagiti “tiritir a bambanag” a sumrek iti nagtetengngaanda ken ‘iyadayoda dagiti adalan.’—Aramid 20:29, 30.

Nangrugi ti apostasia idi ngudo ti umuna a siglo. Idin, ti napagungar a ni Jesus impaayna ken apostol Juan ti Apocalipsis, ti simboliko a buya iti masanguanan. Kas iti insurat ni Juan, saan a malapdan dagiti ulbod a mannursuro a naan-anay a matungpal ti orihinal a panggep ti Dios iti daga ken sangatauan. Mangngegto ti “tunggal nasion ken tribu ken pagsasao ken ili” ti naimbag a damag maipapan iti Pagarian ti Dios. (Apocalipsis 14:6) Maisublinto ti paraiso ditoy daga ken agnaedto sadiay dagiti agaramid iti pagayatan ti Dios!

“Naimbag a damag” kadi dayta kenka? No wen, ammuem ti ad-adu pay maipapan iti mensahe ti Dios para iti tao a masarakan iti Biblia ken no kasano a magunggonaanka ita ken iti masanguanan.

Mabalinmo a basaen ti Biblia online iti www.jw.org/ilo. Mabasam met iti dayta a Web site dagiti broshur a Ti Biblia—Ania ti Mensahena? ken Naimbag a Damag Manipud iti Dios!, kasta met ti libro nga Ania a Talaga ti Isursuro ti Biblia? agraman dagiti publikasion a mangilawlawag no apay a mapagtalkantayo ti Biblia ken no kasanotayo a mayaplikar dagiti praktikal a balakadna iti pamiliatayo ken iti personal a biagtayo. Wenno mabalinmo ti agsaludsod kadagiti Saksi ni Jehova para iti ad-adu pay nga impormasion.

Naibasar iti Aramid, Efeso, Filipos, Colosas, Filemon, 1 Juan, Apocalipsis.