Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN SEPTIEMBRE 2013

Sungbat Dagiti Saludsod Maipapan iti Biblia

Sungbat Dagiti Saludsod Maipapan iti Biblia

Kasano nga agbalin a naragsak ti agassawa?

Agballigi ti balakad ti Biblia no kasano nga agbalin a naragsak ti panagasawa ta nagtaud dayta iti Namunganay iti panagasawa, ni Jehova a Dios. Isurona kadatayo no kasano a mapatanor dagiti kababalin a mangparagsak iti panagasawa ken malapdan dagiti kababalin a mangdadael iti dayta. Isurona pay kadatayo no kasano a mapasayaat ti komunikasion a mangparagsak iti panagasawa.—Basaem ti Colosas 3:8-10, 12-14.

Masapul a dayawen ken raemen dagiti agassawa ti maysa ken maysa. No tungpalenda dagiti akem nga impaannong ti Dios kadakuada, agbalinda a naragsak.—Basaem ti Colosas 3:18, 19.

Ania ti makatulong tapno agpaut ti relasion ti agassawa?

Agpaut ti relasion ti agassawa no ay-ayatenda ti maysa ken maysa. Ti Dios isuronatayo no kasano ti agayat. Ti Dios ken ti Anakna a ni Jesus ket perpekto nga ulidan ti managsakripisio nga ayat.—Basaem ti 1 Juan 4:7, 8, 19.

No ti asawa a lalaki ken babai raemenda ti urnos ti Dios a panagasawa, agtalinaedda nga agkadua. Inyurnos ti Dios ti panagasawa kas permanente a panagkadua ti lalaki ken babai tapno agbalin a natalged ti pamilia. Mabalin nga agpaut ti panagasawa agsipud ta pinarsua ti Dios ti lalaki ken babai tapno agtinnulongda a mangipaay iti pisikal ken emosional a kasapulanda. Inaramidna met ida iti ladawanna nga addaan iti abilidad a mangipakita iti ayat.—Basaem ti Genesis 1:27; 2:18, 24.

Ammuem ti Ad-adu Pay

Agpatulong iti Dios Tapno Naragsak ti Panagasawayo

Sumayaat ti relasionyo nga agassawa no isaludsodyo dagitoy.

No Kasano ti Agpinnabus-oy

Makatulong kadakayo nga agassawa ti uppat a kangrunaan a pamay-an tapno maliklikanyo ti agsinnungbat ken makapagtinnulongkayo nga agbirok kadagiti solusion.