Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN HULIO 2013

Mapagtalkam Kadi ti Relihionmo Maipapan iti Kuarta?

Mapagtalkam Kadi ti Relihionmo Maipapan iti Kuarta?

Ni Estelle * ket kanayon a makimismisa a kadua dagiti annakna. “Imbagak iti ministromi a kayatko ti agadal iti Biblia,” kinunana. Ngem saan a pulos nga inyadalan ti ministroda. Idi agangay, saanen a makimismisa. Intuloyna: “Nagsurat dagiti opisial ti simbaan ket imbagada a no saanak a makapan, mangtedak lattan iti kuarta. Naamirisko, ‘Saanda a talaga a maseknan kaniak; kuartak laeng ti kayatda.’”

Kinuna ni Angelina a maysa a relihiosa: “Iti simbaanmi, mamitloda nga irikus ti basket iti tunggal misa, ken namnamaenda a mangtedkami. Kanayon nga agdawatda iti kuarta. Isu a naamirisko nga ‘Awan kadakuada ti espiritu ti Dios.’”

Dagiti kadi relihion iti lugaryo agusarda iti nagduduma a pamay-an nga agdawat iti kuarta? Maitunos kadi dayta iti Biblia?

ANIA TI ISURSURO TI BIBLIA?

Kastoy ti kuna ni Jesus a nangirugi iti Kristianidad: “Inawatyo nga awan bayadna, itedyo nga awan bayadna.” (Mateo 10:8) Awan bayadna ti mensahe ti Biblia ken rumbeng a maammuan ti amin a mayat nga umawat.

Kasano a sinuportaran dagiti nagkauna a Kristiano ti paggastuan ti kongregasion?

Agkontribusion ti tunggal maysa “kas iti inkeddengna iti pusona, saan nga iti nadagsen a rikna wenno mapilpilit, ta ti Dios ayatenna ti naragsak a manangited.” (2 Corinto 9:7) Kinuna ni apostol Pablo: “Aldaw-rabii a nagtrabahokami tapno dikam agbalin a pakadagsenanyo bayat ti panangikasabami kadakayo iti Naimbag a Damag.” (1 Tesalonica 2:9, Ti Baro a Naimbag a Damag Biblia) Tapno masuportaran ni Pablo ti bagina iti ministerio, nakipagtrabaho nga agaramid iti tolda.—Aramid 18:2, 3.

KASANO A MARAGPAT DAGITI SAKSI NI JEHOVA TI MAKALIKAGUMAN?

Masansan nga aggigimong dagiti Saksi ni Jehova iti simple a pasdek a maawagan iti Kingdom Hall. Kasano a masuportaran dagiti paggastuan? Awan ti maipasa a plato wenno sobre a pagdawat iti donasion. Imbes ketdi, asinoman a mangapresiar iti naespirituan a programa, mabalin a mangitinnag iti kahon ti kontribusion iti Kingdom Hall.

Kasano koma ti rumbeng a panangsuporta iti relihion?

Nalawag nga agkasapulan iti kuarta tapno mayimprenta ken maipatulod daytoy a magasin. Ngem awan ti makitam a komersial a pakaammo wenno panagdawat iti kuarta. Napatpateg ti panangipakaammo iti kinapudno a linaon ti Biblia.

Panagkunam: Maitunos kadi daytoy iti sasao ni Jesus ken ti ulidan dagiti nagkauna a Kristiano?

^ par. 2 Nabaliwan ti dadduma a nagan kadagitoy nga artikulo.