Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN HULIO 2013

Adda Kadi Relihion a Mapagtalkam?

Adda Kadi Relihion a Mapagtalkam?

No adda relihion a nakaupayam, mabalin a saankan nga agtalek iti aniaman a relihion. Ngem sigurado nga adda relihion a mapagtalkam. Idi adda ditoy daga ni Jesus, inummongna ti maysa a grupo dagiti matalek a pasurotna ken insurona ida nga agbiag maitunos iti pagalagadan ti Dios. Adda pay laeng ita dagiti pudno a pasurot ni Kristo, dagiti napasnek nga indibidual a mangikagkagumaan nga agbiag maitunos iti pagalagadan dagiti Kristiano. Pakasarakam ngay kadakuada?

Kuna ni Estelle a nadakamat itay: “Naammuak met laengen ti isursuro ti Biblia idi inyadalandak dagiti Saksi ni Jehova. Di nagbayag, natarusak ti kuna ti Juan 8:32: ‘Maammuanyonto ti kinapudno, ket ti kinapudno wayawayaannakayto.’”

Kuna met ni Ray a nadakamat itay: “Idi nakipagadalak iti Biblia kadagiti Saksi ni Jehova, naammuak a saan a gapuanan ti Dios ti panagsagaba dagiti tattao. Makaparagsak a maammuan a nupay ipalpalubos ti Dios ti kinadakes ita, inkarina a dandaninan pukawen dayta.”

Nalawag a narigat a subaen ti ayus ti agdama a nababa a moral a pagalagadan ti lubong. Ngem posible dayta. Adu a tattao ti mayat nga agpatulong tapno maawatan ken mayaplikarda dagiti prinsipio ti Biblia. Dayta ti makagapu a libre a mangyad-adal iti Biblia dagiti Saksi ni Jehova kadagiti minilion a tattao iti intero a lubong. Kada lawas, adu ti mangad-adal no ania a talaga ti isursuro ti Biblia. Kas resultana, agbalinda a nasinged iti Namarsua ken maaddaanda iti naragsak a biag. *

Ammuem kadagiti Saksi ni Jehova no apay nga agtalekda iti relihionda

No adda makasaritam a Saksi ni Jehova, ammuem kadakuada no apay nga agtalekda iti relihionda. Usigem dagiti pannursuro ken panagbiagda. Kalpasanna, sika a mismo ti mangeddeng no adda mapagtalkam a relihion.

^ par. 5 Para iti kanayonan nga impormasion, kitaem ti libro nga Ania a Talaga ti Isursuro ti Biblia? nga impablaak dagiti Saksi ni Jehova.

Ammuem ti Ad-adu Pay

Kasanom a Mailasin ti Pudno a Relihion?

Maymaysa kadi ti pudno a relihion? Ammuem ti lima a pakabigbigan ti pudno a relihion.

Apay nga Adalenyo ti Biblia?

Naibagam kadin, ‘Awan panawenko,’ wenno ‘Diak maipasigurado’?