Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN MAYO 2013

 UMADANIKA ITI DIOS

Talaga Kadi a Maseknan Kenka ni Jehova?

Talaga Kadi a Maseknan Kenka ni Jehova?

“Marigatanak a mangparmek iti riknak a kasla awan serserbik.” Kasta ti kuna ti maysa a babai a di mamati a maseknan ni Jehova kenkuana. Kasta kadi met ti riknam? No wen, mabalin a maisaludsodmo, ‘Talaga kadi a maseknan ni Jehova iti tunggal agdaydayaw kenkuana?’ Wen! Makitatayo iti kinuna ni Jesus ti pammaneknek a maseknan ni Jehova kadatayo.Basaem ti Juan 6:44.

Ania kadi ti kinuna ni Jesus nga ad-adda a makaammo iti personalidad ken pagayatan ni Jehova? (Lucas 10:22) Kinunana: “Awan ti tao a makaumay kaniak malaksid no ti Ama, a nangibaon kaniak, ti mangyasideg kenkuana.” Gapuna, awan ti makapagbalin a pasurot ni Jesus ken agbalin nga agdaydayaw iti nailangitan nga Amatayo no saan nga inyasideg a mismo ni Jehova. (2 Tesalonica 2:13) No matarusantayo ti kayat a sawen ni Jesus, maawatantayo iti sasaona ti nabileg a pammaneknek a maseknan ti Dios kadatayo.

Ania ti kayat a sawen ti panangyasideg ni Jehova kadatayo? Ti Griego a sao a naipatarus kas “iyasideg” ket nausar met a tumukoy iti panangguyod iti iket a naglaon iti ikan. (Juan 21:6, 11) Guyoden ken pilitennatayo kadi ni Jehova nga agserbi kenkuana? Saan. Inikkannatayo ni Jehova iti wayawaya nga agpili, isu a dinatay pinilit a mangayat kenkuana. (Deuteronomio 30:19, 20) Kastoy ti kuna ti maysa nga iskolar: “Awan ti paglukatan iti ruar ti ridaw ti puso ti tao. Masapul a luktan dayta iti uneg.” Suksukimaten ni Jehova ti binilion a puso iti daytoy a lubong a sapsapulenna dagiti indibidual a mayat nga agserbi kenkuana. (1 Cronicas 28:9) No makasarak iti kasta a tao, siaayat nga iyadanina dayta kenkuana. Kasano?

In-inut a guyugoyen ni Jehova ti puso ti siasinoman a “siuumiso nga agannayas.” (Aramid 13:48) Aramiden dayta ni Jehova iti dua a pamay-an. Umuna, usarenna ti naimbag a damag a mensahe ti Biblia a dumanon kadatayo. Maikadua, usarenna ti nasantuan nga espirituna. No makita ni Jehova ti puso nga umawat iti kinapudno iti Biblia, usarenna ti espirituna a tumulong iti dayta nga indibidual a mangtarus ken mangyaplikar iti kinapudno iti biagna. (1 Corinto 2:11, 12) No awan ti tulong ti Dios, ditay agbalin a pudpudno nga adalan ni Jesus ken matalek nga agdaydayaw ken Jehova.

“Awan ti paglukatan iti ruar ti ridaw ti puso ti tao. Masapul a luktan dayta iti uneg”

Ania ngarud ti masursurotayo iti sasao ni Jesus a nairekord iti Juan 6:44 maipapan ken Jehova a Dios? Iyasideg ni Jehova dagiti tattao gapu ta adda naimbag a makitana iti pusoda ken maseknan kadakuada kas indibidual. Naliwliwa ti babai a nadakamat iti rugi idi naawatanna daytoy a kinapudno. Kunana: “Ti panagbalin nga adipen ni Jehova ti kasayaatan a pribilehio ti maysa a tao, ken no pinilinak ni Jehova nga agbalin nga adipenna, napategak ngarud kenkuana.” Komustaka met? Ita ta ammomon a maseknan ni Jehova iti tunggal agdaydayaw, kayatmo kadi met ti umadani kenkuana?

Singasing a basaen iti Biblia iti Mayo

Lucas 22-24Juan 1-16

 

Ammuem ti Ad-adu Pay

Awan ti ‘Makaisina Kadatayo iti Ayat ti Dios

Diyo patien ti kinaulbod a saannakayo nga ay-ayaten ti Dios wenno dikay napateg kenkuana.