Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Pagwanawanan  |  Enero 2013

Kadagiti Agbasbasa

Kadagiti Agbasbasa

Ti magasin a basbasaem ita ket damo a naipablaak idi Hulio 1879. Adun ti nagbalbaliw sipud idi ken uray met daytoy a magasin. Mangrugi iti daytoy a ruar, makitam ti dadduma pay a panagbalbaliw ti format Ti Pagwanawanan. Ania ti nakaidumaanna?

Iti adu a pagilian, umad-adu ti mayat nga agsukimat iti Internet. Maysa laeng a klik iti mouse masarakandan ti impormasion a magun-odan iti Internet. Adu a libro, magasin, ken diario ti mabasa online.

Gapu itoy, nabiit pay a binaliwanmi ti disenio ti Web site a www.jw.org tapno ad-adda a makaawis ken nalaka nga usaren. Dagiti manglukat iti site mabasada dagiti publikasion a naipablaaken iti nasurok a 430 a lengguahe. Ngem mangrugi ita a bulan, mabasa met dagiti manglukat iti Web site dagiti napili nga artikulo a regular nga agparang idi kadagiti nayimprenta a magasin. Ngem ita, agparang laengen iti Web site a jw.org. *

Yantangay ad-adu pay nga artikulo ti maipablaak iti Internet, mangrugi iti daytoy a ruar, ti publiko nga edision Ti Pagwanawanan a 32 a panid ket agbalinto laengen a 16. Maipabpablaaken iti 204 a lengguahe ti magasin a Ti Pagwanawanan. Gapu ta ab-ababan, mabalinen a maipatarus daytoy a magasin iti ad-adu pay a lengguahe.

Mangnamnamakami a makatulong daytoy a panagbalbaliw tapno ad-adu pay a tattao ti makabasa iti makaispal-biag a mensahe ti Biblia. Desididokami a mangitultuloy a mangipaay iti adu a makaliwliwa ken makaawis nga impormasion—nayimprenta man wenno iti Internet—tapno mabenepisiaran ti adu nga agbasbasa a mangipatpateg iti Sao ti Dios ken mayat a mangammo no ania a talaga ti isursuro ti Biblia.

Dagiti Nangipablaak

^ par. 5 Dagitoy ti dadduma nga artikulo nga agparang laeng iti “Para Kadagiti Agtutubo.” Nadisenio daytoy a tumulong kadagiti agtutubo a mangadal iti Biblia. “Dagiti Masursurok iti Biblia.” Agsasaruno daytoy nga artikulo a nadisenio nga usaren dagiti nagannak para kadagiti annakda nga agtawen iti tallo ken nababbaba.