Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN DISIEMBRE 2012

Panagkakadua kas Pamilia

Panagkakadua kas Pamilia

“Adtoy! Anian a nagimbag ken anian a makaay-ayo a dagiti agkakabsat agnaedda a sangsangkamaysa buyogen ti panagtutunos!”—SALMO 133:1.

Rason nga agselebrar ti dadduma iti Krismas.

Yantangay amin nga Israelita ket nagtaud ken Jacob wenno Israel, “agkakabsatda” ngarud, wenno kameng iti maymaysa a pamilia. No agtataripnongda para iti piesta idiay Jerusalem, “nagimbag” ken “makaay-ayo” dayta. Kas kadakuada, adu a pamilia ita ti mangsegsegga iti panagkakadua ken panagraragsakda. Dayta ti “nagimbag” ken “makaay-ayo” a banag no panawen ti Krismas.

Apay a mapaay ti panggep?

Kuna ti Encyclopedia of Christmas and New Year’s Celebrations: “No agkakadua laeng ti pamilia iti panawen ti Krismas, agbalin a problema dagiti di panagkikinnaawatan a tumaud iti intero a makatawen.”

Ania dagiti makatulong a prinsipio ti Biblia?

“Agtultuloy[kayo] a mangibayad iti maiparbeng a pangsubad kadagiti nagannak[yo] ken kadagiti apong[yo].(1 Timoteo 5:4) No mabalin, iwayaanyo ti regular a panangbisita iti pamiliayo. No adayo ti pagnanaedan dagiti kabagianyo, mabalinyo latta ti makikomunikar kadakuada babaen ti surat, telepono, e-mail, wenno Internet. Bumassit dagiti problema no regular ti komunikasion.

“Nailetankayo kadagiti bukodyo a kinalailo. . . . lumawakayo.” (2 Corinto 6:12, 13) No maminsan laeng iti makatawen nga agkikita dagiti agkakabagian, mabalin a saandanton nga agaammo, nangruna dagiti ubbing. Mabalin nga umadayo ti rikna dagiti ubbing kadagiti lolo ken lolada wenno kadagiti adayo a kabagianda. Gapuna, paregtaenyo dagiti annakyo a “lumawa” iti ayatda babaen ti pannakikaduada kadagiti natataengan a kabagianda. * Ad-adda a mannakipagrikna ken manangapresiar dagiti ubbing a kanayon a makikadua kadagiti natataengan.

“Ti sao iti umiso a tiempona O anian a nagsayaat!” (Proverbio 15:23) Kasanoyo a maliklikan dagiti parikut wenno di pagkikinnaawatan iti uneg ti pamilia? Ti maysa a pamay-an ket pilienyo ti ‘umiso a tiempo’ a mangibaga kadagiti pakaseknanyo. No regular ti komunikasionyo, nalaklakayo a kasarita ti miembro ti pamilia tapno marisut ti aniaman a problema ken matagiragsakyo ti “nagimbag” ken “makaay-ayo” a panagkakadua.

^ par. 9 Kitaem dagiti artikulo nga “Apay a Rumbeng a Maam-ammok Da Lolo ken Lolak? ken “Kasano nga Agbalinak a Nasingsinged Kada Lolo ken Lolak?” iti Abril 22 ken Mayo 22, 2001 a ruar ti Agriingkayo! nga impablaak dagiti Saksi ni Jehova.