Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

TI PAGWANAWANAN AGOSTO 2011

 Saludsod Dagiti Agbasbasa

Adda Kadi Maysa a Lugar a Pagnanaedan ti Dios?

Adda Kadi Maysa a Lugar a Pagnanaedan ti Dios?

Mamati ti nagduduma a relihion nga adda ti Dios iti amin a lugar. Kas pagarigan, kuna ti New Catholic Encyclopedia a ti Dios “adda iti amin a lugar ken bambanag.” Kasta met, ti nangbuangay iti Methodist Church a ni John Wesley nagsurat iti maysa a sermon a napauluan “Adda ti Dios iti Amin a Disso” a kinunana nga “awan aniaman a lugar, iti uneg man wenno ruar ti lubong, a di pakasarakan iti Dios.”

Ania ti isursuro ti Biblia? Adda kadi ti Dios iti amin a lugar, idiay langit, ditoy daga, wenno uray iti amin a tattao?

Kinaagpaysuanna, ibaga ti Biblia nga adda espesipiko a pagtaengan ti Dios—ti langlangit. Nailanad iti Biblia ti kararag ni Ari Solomon idi immararaw iti Dios: “Umimdengka koma manipud langlangit, ti naipasdek a disso a pagnanaedam.” (1 Ar-ari 8:43) Idi insurona dagiti adalanna nga agkararag, imbaga ni Jesu-Kristo nga iturongda dagiti kararagda iti “Ama[tayo] nga adda iti langlangit.” (Mateo 6:9) Kalpasan ti panagungar ni Kristo, simrek ‘idiay langit a mismo, tapno agparang iti sanguanan ti Dios,’ kuna ti Biblia.—Hebreo 9:24.

Nabatad nga ipakita ti Biblia nga agnanaed laeng ni Jehova a Dios idiay langit, saan nga iti amin a lugar. Siempre, “ti langlangit” a nadakamat kadagitoy a bersikulo dina tukoyen ti daga wenno ti nakalawlawa a law-ang. Ti pisikal a langlangit saanda a malaon ti Namarsua iti uniberso. (1 Ar-ari 8:27) Ibaga ti Biblia kadatayo a ti “Dios maysa nga Espiritu.” (Juan 4:24) Agnaed ti Dios iti naespirituan a langlangit, maysa a lugar a naiduma iti pisikal nga uniberso.—1 Corinto 15:44.

Dagiti ngay sasao iti Biblia a kasla mangibagbaga nga adda ti Dios iti amin a lugar? Kas pagarigan, nailanad iti Salmo 139:7-10 a kinuna ni David maipapan iti Dios: “Sadino ti mabalinko a papanan manipud espiritum, ket sadino ti mabalinko a pagtarayan manipud rupam? No umuliak koma idiay langit, sadiay addaka; ket no isimpak koma ti sopak idiay Sheol, adtoy! addaka sadiay. No koma alaek dagiti payak ti bannawag tapno makapagtaengak iti kaadaywan a baybay, sadiay met, ti bukodmo nga ima iturongnak.” Ipamatmat kadi dagitoy a bersikulo a ti Dios ket talaga nga agnanaed ken adda iti amin a disso?

Paliiwem ta umuna nga inyimtuod ni David: “Sadino ti mabalinko a papanan manipud espiritum?” * Babaen iti nasantuan nga espirituna, makita ti Dios ti amin a banag ken maaramatna ti pannakabalinna iti amin a lugar, a din kasapulan a mapan wenno agnaed sadiay. Kas panangyilustrar: Kadagiti napalabas a tawen, nabaelan dagiti sientista a sinukimat ti daga ti planeta a Mars, a minilion a kilometro manipud iti planeta a Daga. Kasano? Saanda a napan sadiay, no di ket inadalda laeng dagiti detalyado a retrato ken dadduma pay nga impormasion nga impatulod ditoy Daga dagiti instrumento a naipan idiay Mars.

Kasta met, saan a masapul nga adda ni Jehova a Dios iti amin a lugar tapno maammuanna ti mapaspasamak iti sadinoman a paset ti uniberso. Kuna ti Sao ti Dios: “Awan ti parsua a saan a sibabatad iti imatangna.” (Hebreo 4:13) Wen, ti mannakabalin nga aktibo a puersa ni Jehova, wenno ti nasantuan nga espirituna, makapan iti sadinoman. Gapuna, makitana ti amin a disso ken maibanagna ti panggepna manipud iti ayanna, ti ‘nasantuan a pagnanaedanna’ iti langlangit.—Deuteronomio 26:15.

^ par. 8 Ti sao a Hebreo a naipatarus ditoy nga “espiritu” tukoyenna ti aktibo a puersa ti Dios, ti pannakabalin nga us-usaren ti Dios tapno maibanag ti pagayatanna.

Ammuem ti Ad-adu Pay

TI PAGWANAWANAN

Dagiti Sirmata Maipapan iti Di Makita a Langlangit

Ania ti ipakita ti Biblia maipapan ken Jehova a Dios, ken Jesu-Kristo, ken kadagiti matalek nga anghel?