Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Pagwanawanan  |  2009-11-01

Di Umiso a Sursuro 4: Trinidad Kano ti Dios

Di Umiso a Sursuro 4: Trinidad Kano ti Dios

Ania ti nagtaudan dayta a di umiso a sursuro?

“Kalpasan ti naan-anay a panangusig, mabalin a mapanunot a timmaud laeng ti doktrina a Trinidad idi arinunos ti maikapat a siglo. Mabalin nga agpayso daytoy . . . Ti itataud ti doktrina a ‘tallo a Persona iti maymaysa a Dios’ ket sigurado a saan a naipasdek a sititibker ken saan a pinati dagiti Kristiano sakbay ti arinunos ti maikapat a siglo.”—New Catholic Encyclopedia (1967), Tomo 14, panid 299.

“Naangay ti Konsilio ti Nicea idi Mayo 20, 325 [K.P.]. Ni Constantino a mismo ti nangidaulo, a siaaktibo a nangiturong iti taripnong ken nangisingasing . . . iti kangrunaan a doktrina a mangilawlawag iti relasion ti Kristo ken ti Dios iti kredo nga impaulog ti konsilio, ‘[a ti Kristo ken] ti Ama maymaysada.’ . . . Gapu ta mabutengda iti emperador, adu kadagiti obispo ti napilitan a nangpirma iti kredo. Dua laeng ti saan a nagpirma.”—Encyclopædia Britannica (1970), Tomo 6, panid 386.

Ania ti kunaen ti Biblia?

“Ngem napno ni Esteban iti Espiritu Santo. Timmangad sadi langit ket nakitana ti dayag ti Dios ken ni Jesus nga agtaktakder iti makannawan ti Dios. ‘Kitaenyo!’ kinunana, ‘silulukat ti ruangan ti langit ket makitak ti Anak ti Tao a sitatakder iti makannawan ti Dios!’ “—Aramid 7:55, 56, Ti Baro a Naimbag a Damag Biblia.

Ania ti ipalgak dayta a sirmata? Napno ni Esteban iti aktibo a puersa ti Dios, ket nakitana ni Jesus a “sitatakder iti makannawan ti Dios.” No kasta, ni Jesus ket saan a nagbalin a Dios idi immuli sadi langit kalpasan ti panagungarna. Imbes ketdi, ni Jesus ket naiduma nga espiritu a persona. Iti dayta a salaysay, awan ti nadakamat a maikatlo a persona a kadua ti Dios. Iti laksid dagiti panagregget a mangsapul kadagiti sasao iti Kasuratan a mangsuporta iti doktrina a Trinidad, kastoy ti insurat ti Dominican a padi a ni Marie-Émile Boismard iti librona nga À l’aube du christianisme—La naissance des dogmes (Idi Rugrugi ti Kristianidad—Ti Namunganayan Dagiti Doktrina): “Ti sasao nga adda tallo a persona iti maymaysa a Dios . . . ket saan a mabasa iti sadinoman iti Baro a Tulag.”

Panggep ti doktrina nga intandudo ni Constantino a pagpatinggaen dagiti di panagtutunos iti Simbaan idi maikapat a siglo. Ngem iti kinapudnona, nangpataud dayta iti sabali pay a saludsod: Ni kadi Maria, a nangipasngay ken Jesus, isu “ti Ina ti Dios”?

Idiligyo dagitoy a bersikulo ti Biblia: Mateo 26:39; Juan 14:28; 1 Corinto 15:27, 28; Colosas 1:15, 16

KINAPUDNO:

Timmaud laeng ti doktrina a Trinidad idi arinunos ti maikapat a siglo

Ammuem ti Ad-adu Pay

NAIMBAG A DAMAG MANIPUD ITI DIOS

Siasino ti Dios?

Adda kadi nagan ti Dios ken maseknan kadi kadatayo?