Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN (PAGADALAN NGA EDISION) ABRIL 2015

Agtubo Pay Ngata ti Napukan a Kayo?

Agtubo Pay Ngata ti Napukan a Kayo?

NO MAIDILIG iti nadayag a sedro ti Libano, kasla saan a makaay-ayo ti killokillo ken bukkuan a kayo ti olibo. Nupay kasta, maanduran dagiti kayo ti olibo ti aniaman a paniempo. Napattapatta a ti dadduma a kayo ti olibo ket 1,000 a tawenen. Gapu ta nalawa ti masaknapan dagiti ramutna, agsaringit latta uray no nadadaelen ti puonna. Agingga a sibibiag dagiti ramutna, agtubo manen dayta.

Kombinsido ni patriarka a Job nga uray no matay, agbiagto manen. (Job 14:13-15) Idi inyebkasna ti panagtalekna a kabaelan ti Dios a pagungaren isuna, dinakamatna ti maysa a kayo—nalabit kayo ti olibo. Kinuna ni Job: “Adda namnama maipaay iti uray maysa a kayo. No mapukan, agtubonto manen a mismo.” No agtudo kalpasan ti nakaro a tikag, agbiag manen ti nagango a puon ti olibo ket agrusing dagiti ramutna, a mangpataud kadagiti “sanga kas maysa a baro a mula.”—Job 14:7-9.

No kasano a magagaran ti maysa a makakita nga agrusing manen dagiti ramut ti napukan a kayo ti olibo, magagaran met ni Jehova a Dios a mangpagungar kadagiti natayen nga adipenna ken adu a dadduma pay. (Mat. 22:31, 32; Juan 5:28, 29; Ara. 24:15) Sigurado a maragsakantayo a mangabrasa kadagiti agungar ken makakita kadakuada a sibibiag manen!