Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN (PAGADALAN NGA EDISION) DISIEMBRE 2012

 Malagipyo Kadi?

Malagipyo Kadi?

Binasayo kadi a naimbag dagiti nabiit pay a ruar ti Pagwanawanan? Kitaenyo no masungbatanyo dagiti sumaganad a saludsod:

Kasanotayo nga iddepen ti apuy ti di mamedmedan a panagsao?

Rumbeng a sukimatentayo ti pusotayo. Imbes a kritikarentayo ti maysa a kabsat, apay a ditay usigen ti makagapu a kritkritikarentayo? Gapu kadi ta kayattay a pagparangen a nasaysayaattayo? No manangkritikartayo, kumaro laeng ti kasasaad.—8/15, panid 21.

Kasano nga iyanninaw ti Linteg ti panangmatmat ti Dios kadagiti babbai?

Naipaayan dagiti Israelita a babbai iti wayawaya, ken addaanda iti kalintegan nga agadal. Rumbeng a mapadayawan ken mapagraemanda, ken masalakniban dagiti kalinteganda.—9/1, panid 5-7.

Ania dagiti mapasamak sakbay ti iyaay ti aldaw ni Jehova?

Maideklara ti “Talna ken talged!” Dagiti nasion rauten ken dadaelenda ti Babilonia a Dakkel. Maraut ti ili ti Dios. Mapasamak ti gubat ti Armagedon, ket sumaruno ti pannakaitapuak ni Satanas ken dagiti demoniona iti mangliwengliweng nga abut.—9/15, panid 4.

Kasanotayo a magunggonaan iti saantayo a pannakaammo iti petsa nga iyaay ti panungpalan?

Gapu ta saantay nga ammo ti eksakto nga aldaw ken oras nga iyaay ti panungpalan, maipalgak no ania ti motibotayo. Maikkantay iti gundaway a mangparagsak iti puso ti Dios. Maparegtatayo nga agsakripisio ken ad-adda nga agtalek iti Dios ken iti Saona. Kasta met, mapasayaat ti pammatitayo gapu kadagiti agdama a pakarigatan.—9/15, panid 24-25.

Kasanotayo nga aramaten ti Genesis 3:19 no makirinnasontayo kadagidiay mamati iti umap-apuy nga impierno?

Kuna dayta a teksto nga iti ipapatay ni Adan, agsubli iti tapok ti daga, saan ketdi a mapan iti maysa nga umap-apuy nga impierno.—10/1, panid 13.

Ania ti irepresentar ti “pito a bituen” iti makannawan nga ima ni Jesus a nadakamat iti Apocalipsis 1:16, 20?

Irepresentarda dagiti napulotan iti espiritu a manangaywan kadagiti kongregasion, ken tumukoy met kadagiti amin a manangaywan.—10/15, panid 14.

Ania ti aramiden ti pamilia nga agparparikut maipapan iti utang?

Masapul a pagsaritaan a naimbag dagiti agassawa ti maipapan iti utangda. Nasayaat no kitaenda ti agdama a badyetda. Kabaelanda kadi a nayonan ti birokda wenno kissayan dagiti paggastuan ti pamilia? Ikeddengda no ania nga utang ti unaenda a bayadan, nalabit makisaritada kadagiti nakautanganda. Ngem masapul nga agbalinda a realistiko ken balanse. (1 Tim. 6:8)—11/1, panid 19-21.

Kasano nga impakita ni Jesus ti kinapakumbaba a nadakamat iti Isaias 50:4, 5?

Kuna dagita a bersikulo a “ti dila dagidiay nasursuruan” ket ‘saan a bimmaw-ing iti sungani a turong.’ Impakita ni Jesus ti kinapakumbabana babaen ti panagimdengna a naimbag iti insuro kenkuana ni Amana. Magagaran ni Jesus ken situtulok nga agsursuro ken Jehova. Pinaliiwna a naimbag ti kinapakumbaba ti Dios iti panangipakitana iti asi kadagiti managbasol a tattao.—11/15, panid 11.

Kasano a ti maysa a pakalaglagipan a selio ti Estonia paneknekanna ti kinatarnaw dagiti Saksi ni Jehova?

Idi 2007, nangiruar ti National Post Office iti maysa a selio mainaig iti panangpadas ni Stalin a mangtalipupos kadagiti Estonian. Naglaon dayta iti numero a 382, a tumukoy iti bilang dagiti Saksi ken dagiti annakda a naideporta kadagiti kampo a pagbaludan iti nasulinek a lugar idiay Russia idi 1951.—12/1, panid 27-28.