Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN (PAGADALAN NGA EDISION) HUNIO 2016

Malagipyo Kadi?

Malagipyo Kadi?

Binasayo kadi a naimbag dagiti nabiit pay a ruar Ti Pagwanawanan? Bueno, kitaenyo no masungbatanyo dagiti sumaganad a saludsod:

Apay nga impalubos ni Jehova a makigubat ti nagkauna nga Israel?

Naayat ni Jehova. Ngem adda dagiti gundaway nga ipalubosna ti gubat no agpeggad ti ilina gapu iti kinadakes ken panangirurumen. Ti Dios laeng ti nangikeddeng no siasino dagiti makigubat ken no kaano.—w15 11/1, p. 4-5.

Ania dagiti nagpateg nga aramiden dagiti nagannak tapno masanayda dagiti tin-edyerda nga agserbi ken Jehova?

Napateg nga ayaten dagiti nagannak dagiti tin-edyerda ken ipakitada ti kinapakumbaba babaen ti ulidanda. Napateg met a dagiti nagannak ipakitada ti pannakaawat ken ikagumaanda a tarusan dagiti tin-edyerda.—w15 11/15, p. 9-11.

Apay a ti papa saan koma a maibilang a suno ni Pedro?

Saan nga ibaga ti Mateo 16:17, 18 a ni apostol Pedro ti ulo ti kongregasion Kristiano. Ipakita ti Biblia nga awan ti naited ken Pedro a nangato a posision, no di ket ni Jesus ti bato a pasuli ti kongregasion. (1 Ped. 2:4-8)—w15 12/1, p. 12-14.

Ania dagiti masapul nga ikabilangantayo sakbay nga agsaotayo?

Tapno naimbag ti maisaotayo, laglagipentayo koma (1) no kaanotayo nga agsao (Ecl. 3:7), (2) no ania ti ibagatayo (Prov. 12:18), ken (3) no kasano nga ibagatayo (Prov. 25:15).—w15 12/15, p. 19-22.

Ania dagiti ar-aramid a mangipakita iti saan a kinamapagtalkan a masapul a liklikan dagiti Kristiano?

Dagiti pudno a Kristiano agpadpada a liklikanda ti panagulbod ken ti panangpadpadakes iti sabsabali. Saanda nga agibaga iti saan nga agpayso, pammadakes a mangperdi iti sabsabali, ken saanda met nga agsaur wenno agtakaw.—wp16.1, p. 5.

Siasino dagiti “panguluen a papadi” a dinakamat ti Biblia?

Ti ebkas a “panguluen a papadi” nalawag a tukoyenna dagiti kangrunaan a papadi, agraman dagiti naikkat a nangato a papadi.—wp16.1, p. 10.

Kasanotayo koma a tratuen ti maysa a makipaset kadagiti emblema iti Memorial?

Dagiti Kristiano saanda koma nga itan-ok dagiti makipaset. Daydiay talaga a napulotan saanna a kayat ti maitan-ok. Saanna met a kayat a maiwaragawag ti kasasaadna iti imatang ti Dios. (Mat. 23:8-12)—w16.01, p. 23-24.

Ania ti maadaltayo no kasano a nagbalin ni Abraham a gayyem ti Dios?

Ni Abraham ket naaddaan iti pannakaammo maipapan iti Dios, nalabit manipud ken Sem. Ken naaddaan ni Abraham iti kapadasan manipud iti pannakilangen ti Dios kenkuana ken iti pamiliana. Mabalin met a padasentayo nga aramiden dayta.—w16.02, p. 9-10.

Kasano a naadda dagiti kapitulo ken bersikulo ti Biblia?

Ti padi idi maika-13 a siglo a ni Stephen Langton biningaybingayna ti Biblia kadagiti kapitulo. Dagiti Judio a managkopia immuna nga inikkanda kadagiti bersikulo ti Hebreo a Kasuratan, ket idi maika-16 a siglo, ti eskolar a ni Robert Estienne inaramidna met dayta iti Kristiano a Griego a Kasuratan.—wp16.2, p. 14-15.

Talaga kadi nga impan ni Satanas ni Jesus idiay templo idi sinulisogna?

Saantayo a masigurado. Ti Mateo 4:5 ken Lucas 4:9 mabalin a kaipapananna a naipan ni Jesus sadiay babaen ti sirmata wenno nagtakder iti nangato a paset iti pannakabaluarte ti templo.—w16.03, p. 31-32.

Apay a mayarig iti linnaaw ti ministeriotayo kas Kristiano?

In-inut a mabukel ti linnaaw. Makapabang-ar ken mangsustiner pay iti biag. Ti linnaaw ket bendision a naggapu iti Dios. (Deut. 33:13) Makapabang-ar, mangsustiner iti biag, ken bendision met ti agkaykaysa a panagregget dagiti adipen ti Dios iti ministerio.—w16.04, p. 4.