Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Ti Pagwanawanan —Pagadalan nga Edision  |  Enero 2017

Ammoyo Kadi?

Ammoyo Kadi?

Kasano ti pannakaibiahe ti apuy idi un-unana?

KUNA ti Genesis 22:6 a tapno makapagdaton ni Abraham iti adayo a lugar, nangitugot kadagiti “kayo ti daton a mapuoran ket impaawitna ken Isaac nga anakna ket intugotna iti im-imana ti apuy ken ti pagparti nga imuko, ket isuda a dua nagkuyogda a napan.”

Awan ti mabasatayo iti Biblia no kasano a mapataud ti apuy idi un-unana. Maipapan iti dayta a salaysay, maysa a komentarista ti mamati a ti apuy nga intugot da Abraham ken Isaac ket “mabalin a naiddep bayat ti napaut a pannagnada.” No kasta, mabalin ngarud a ti mausar a mangpataud iti apuy ti natukoy iti salaysay.

Ngem ibaga met ti dadduma a saan a nalaka ti agpasged idi un-unana. Nalaklaka no dumawat dagiti tattao iti beggang iti kaarrubada, no posible, imbes nga agpasgedda pay. Isu a patien ti adu nga eskolar a ti intugot ni Abraham ket maysa a pagkargaan—mabalin a maysa a banga nga adda pagbitbitanna a kawar—nga adda beggang iti unegna a natedda iti napalabas a rabii. (Isa. 30:14) Mabalin a mausar a dagus a pagpasged dagitoy a beggang bayat ti biahe.