Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN (PAGADALAN NGA EDISION) DISIEMBRE 2016

Malagipyo Kadi?

Malagipyo Kadi?

Binasayo kadi a naimbag dagiti nabiit pay a ruar Ti Pagwanawanan? Bueno, kitaenyo no masungbatanyo dagiti sumaganad a saludsod:

Ania a kita ti basol ti tuktukoyen ni Jesus idi imbagana ti balakad iti Mateo 18:15-17?

Tuktukoyenna dagiti bambanag a mabalin a risuten dagiti indibidual a karaman. Ngem ti basol ket umdas a pakailaksidan no saan a marisut dayta. Kas pagarigan, mabalin a panagsuitik wenno panangpardaya.—w16.05, p. 7.

Ania ti mabalinmo nga aramiden tapno ad-adda a makagunggona ti panagbasam iti Biblia?

Dagitoy ti mabalinmo nga aramiden: Agbasaka nga addaan iti silulukat a panunot, ket siputam dagiti mabalinmo nga iyaplikar; isaludsodmo iti bagim, ‘Kasano a mausarko daytoy tapno matulongak ti sabsabali?’; ken usarem dagiti alikamen a mabalinmo a magun-odan tapno agsukimat maipapan iti binasam.—w16.05, p. 24-26.

Madi kadi no agladingit ti maysa a Kristiano a mamati iti panagungar?

Uray no mamati iti panagungar ti maysa a Kristiano, saanna latta a maliklikan ti agladingit. Nagladingit ni Abraham idi natay ni Sara. (Gen. 23:2) Ngem mailiwliwag met laeng ti ladingit.—wp16.3, p. 4.

Iti Ezequiel kapitulo 9, asino ti isimsimbolo ti lalaki nga addaan iti tintero ti sekretario ken ti innem a lallaki nga addaan iti igam a pangburak?

Iladawanda dagiti anghel a nakiraman a nangdadael iti Jerusalem ken makiramanto iti panangdadael inton Armagedon. Iti moderno a kaitungpalanna, ti lalaki nga addaan iti tintero ti sekretario irepresentarna ni Jesu-Kristo, daydiay mangmarka kadagiti maisalakan.—w16.06, p. 16-17.

Ania dagiti nalasatan ti Biblia?

Nalasatan ti Biblia ti (1) posible a pannakarunot dagiti material a nausar a pagsuratan, kas iti papiro ken lalat; (2) ibubusor dagiti agtuturay ken lider ti relihion a nanggandat a mangdadael iti dayta; ken (3) ti panangpadas ti dadduma a mangbalbaliw iti mensahena.—wp16.4, p. 4-7.

Ania dagiti pamay-an a mabalin a mapasimple ti maysa a Kristiano ti biagna?

Ammuem dagiti talaga a kasapulam, ken dika aggasto iti dimo kasapulan. Agbadyetka. Ilakom, ipadawatmo, wenno ibellengmo dagiti dimon mausar, ken bayadam dagiti utangmo. Kissayam ti panawenmo iti trabahom, ken planuem no kasano a mapalawam ti ministeriom.—w16.07, p. 10.

Ania ti dakdakamaten ti Biblia a napatpateg ngem balitok wenno pirak?

Ipakita ti Job 28:12, 15 a napatpateg ti nadiosan a sirib ngem iti balitok wenno pirak. Bayat a birbirokem ti sirib, ikagumaam ti agtalinaed a napakumbaba ken pabilgem ti pammatim.—w16.08, p. 18-19.

Maitutop kadi a maaddaan iti barbas ti maysa a kabsat a lalaki ita?

Iti dadduma a kultura, mabalin a maawat ti napintas ti pannakapukisna a barbas ken saan a makalapped dayta iti mensahe ti Pagarian. Nupay kasta, mabalin a kayat ti dadduma a kakabsat nga awan ti barbasda. (1 Cor. 8:9) Iti dadduma a kultura ken lugar, saan a mabalin a maaddaan iti barbas dagiti Kristiano a ministro.—w16.09, p. 21.

Apay nga agtalektayo iti rekord ti Biblia maipapan iti panaglaban da David ken Goliat?

Nataytayag laeng ni Goliat iti innem a pulgada (15 a sentimetro) ngem iti katatayagan a tao a nairekord iti moderno a panawen. Agpaypayso a nagbiag ni David. Patalgedan dayta iti nagkauna a kitikit a nakadakamatan ti sasao a balay ni David ken ti panangdakamat ni Jesus kenkuana. Dagiti impormasion mainaig iti nakapasamakan ti laban ket apagisu kadagiti naammuanen nga impormasion.—wp16.5, p. 13.

Ania ti nagdudumaan ti pannakaammo, pannakaawat, ken sirib?

Ti tao nga addaan iti pannakaammo ket agurnong kadagiti impormasion. Ti met addaan iti pannakaawat makitana no kasano nga agkokonektar dagiti impormasion. Ngem ti tao nga addaan iti sirib kabaelanna nga iyaplikar ti pannakaammo ken pannakaawat iti epektibo a pamay-an.—w16.10, p. 18.