Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

TI PAGWANAWANAN NO. 2 2016

Ania ti Kuna ti Biblia?

Ania ti Kuna ti Biblia?

Siasino wenno ania ti Diablo?

PANAGKUNAM ti kadi Diablo ket . . .

  • Maysa nga espiritu a parsua?

  • Simbolo ti kinadakes iti uneg ti maysa a tao?

  • Imahinasion laeng ti tao?

TI KUNA TI BIBLIA

Kinasarita ken “sinulisog” ti Diablo ni Jesus. (Mateo 4:1-4) Isu a ti Diablo ket saan nga imahinasion laeng wenno simbolo ti kinadakes. Maysa isuna a dakes nga espiritu a parsua.

ANIA PAY TI MAAMMUANTAYO ITI BIBLIA?

  • Idi damo, ti Diablo ket maysa a nasingpet nga anghel, ngem “saan a nagtalinaed iti pudno.” (Juan 8:44, Ti Biblia) Nagbalin nga ulbod ken nagrebelde iti Dios.

  • Nakikadua ti dadduma nga anghel iti panagrebelde ni Satanas.—Apocalipsis 12:9.

  • Al-allilawen ti Diablo ti adu a tattao tapno saanda a patien nga agpaypayso isuna.—2 Corinto 4:4.

Makontrol kadi ti Diablo dagiti tattao?

ADDA DAGITI MANGIBAGA a saan nga agpayso a makontrol ti Diablo dagiti tattao. Adda met dagiti mabuteng a maluganan kadagiti dakes nga espiritu. Ania ti makunam?

TI KUNA TI BIBLIA

“Ti intero a lubong adda iti pannakabalin daydiay nadangkes.” (1 Juan 5:19) Napigsa ti impluensia ti Diablo kadagiti tattao, ngem saanna a konkontrolen ti tunggal tao.

ANIA PAY TI MAAMMUANTAYO ITI BIBLIA?

  • Mangal-allilaw ti Diablo tapno ad-adu pay ti maimpluensiaanna.—2 Corinto 11:14.

  • No dadduma, kabaelan dagiti dakes nga espiritu a kontrolen dagiti tattao.—Mateo 12:22.

  • Iti tulong ti Dios, kabaelam a ‘busoren ti Diablo.’—Santiago 4:7.

 

Ammuem ti Ad-adu Pay

Talaga Kadi nga Adda Demonio?

Ania dagiti demonio? Naggapuanda?

Apay nga Ipalpalubos ti Dios ti Kinadakes ken Panagsagaba?

Kasano a nangrugi ti kinadakes, ken apay nga ipalpalubos dayta ti Dios? Agpatingganto ngata ti panagsagaba?